15.05.2019

Прва регионална конференција за факторинг

Почитувани,

На првата регионална конференција на тема “Факторинг како алтернативен начин на финансирање“ која се одржа во Скопје на 14.05 активно учество зеде и Стопанска банка како системска банка и долгогодишен финансиски партнер на средните и малите претпријатија во Македонија.

На конференцијата претставниците од Владата на Република Северна Македонија најавија законски промени во делот на факторингот со кои ќе се зајакне правната сигурност на овие договори, а на банките, финансиските друштва и самите корисници на услугата, ќе им се помогне да го разберат и препознаат факторингот како алтернативен начин на финансирање.

Во панел дискусијата на тема можности и предизвици со кои се соочува финансиската индустрија за побарувања, Иновации и обезбедување на повеќе финансиски решенија за средните и малите претпријатија свое излагање имаше и Драган Гичев, заменик директор на сектор за корпоративно банкарство од Стопанска банка АД – Скопје пренесувајќи ја расположеноста на Банката се повеќе да го нуди факторингот како решение за своите клиенти со кое примарно ќе се подобри ликвидноста на компаниите и ќе се поттикне економскиот раст.

Нашиот тим е подготвен да одговори на сите прашања на клиентите околу можностите кои ги нуди Банката во делот на факторингот и се надеваме дека успешните примери ќе бидат поттик за раст на овој дел од корпоративното финансирање во Македонија. Колегите можете да ги добиете на: factoring@stb.com.mk или на телефон: 02/3295-589; 02/3295-162

Стопанска банка АД – Скопје

75 години на ваша страна