Одбор за ревизија

Одборот за ревизија е одговорен за разгледување на интегритетот на сметководственото и финансиското известување, разгледување и оценување на системите за внатрешна контрола и други слични активности кои обезбедуваат поддршка на Надзорниот одбор при неговата контролна функција.

Одборот за ревизија се состои од пет члена именувани од Надзорниот одбор со мандат од две години со право на реизбор. Мнозинството членови се членови на Надзорниот одбор, а останатите двајца се независни од кои еден член е и овластен ревизор.

Контактирај 

Одбор за именување и наградување

Одборот за именување и наградување претставува под‑одбор на Надзорниот одбор и има клучна улога во поддршка на неговите надзорни и стратешки функции, обезбедувајќи усогласени, транспарентни и правични политики и практики за именување, оценување, сукцесија и наградување. Одборот обезбедува објективен и транспарентен процес за предлагање кандидати за членови на статутарните органи на Банката, како и мериторно и одговорно наградување усогласено со резултатите, системот за управување со ризици, законската регулатива, деловната стратегија и стандардите на корпоративно управување.

Одборот за именување и наградување е составен од три члена на Надзорниот одбор, при што мнозинството се независни членови, вклучително и Претседателот на Одборот.

Членовите се назначуваат од Надзорниот одбор на мандат од една година, со можност за реизбор.

Одбор за управување со ризици

Одборот за управување со ризици на Стопанска банка постојано го следи и оценува степенот на ризик на Банката и го идентификува прифатливото ниво на изложеност на ризици со цел минимизирање на загубите како резултат на изложеноста кон ризик. Одборот се состои од 8 членови чии позиции се утврдени во Статутот на Банката.

Одбор за надзор на управувањето со ризици

Одборот за надзор на управувањето со ризици претставува под‑одбор на Надзорниот одбор, формиран за да обезбеди независен и стратешки надзор над рамката и практиките за управување со ризици во Банката. Неговата цел е да обезбеди дека пристапот кон финансиските и нефинансиските ризици е конзистентен, добро структуриран и целосно усогласен со ризичната стратегија, ризичниот апетит и со деловните цели на Банката. Во таа насока, Одборот го следи ризичниот профил на Банката, ја оценува ефективноста на системите, политиките и контролите за управување со ризици, како и усогласеноста со релевантните регулаторни барања и најдобрите практики.

Одборот континуирано ја разгледува изложеноста на Банката на кредитни, пазарни, ликвидносни, оперативни, ИТ и други значајни ризици, како и влијанието на новите трендови и надворешни фактори врз стратегиската позиција на Банката. Во својата работа, Одборот дава поддршка и насоки во однос на ICAAP, ILAAP и стрес‑тестирањата, следејќи ги нивните резултати и нивното влијание врз капиталната и ликвидносната стабилност на Банката. Одборот не се вклучува во оперативното спроведување на политиките за ризик и во секојдневните процени на ризици, кои  активности се во надлежност на Одборот за управување со ризици.

Одборот за надзор на управувањето со ризици е составен од  три члена на Надзорниот одбор, од кои еден член е независен член. Членовите се назначуваат од Надзорниот одбор на мандат од една година, со можност за реизбор.