5.8.2025

Брзи и ефикасни плаќања во евра кон 41 земја членка на SEPA зоната, веќе од 5.10.2025

Стопанска банка информира дека почнувајќи од 5.10.2025 година, официјално ќе започне со извршување на SEPA (Single Euro Payments Area) кредитни трансфери. Со ова нашите клиенти, правни и физички лица, ќе можат побрзо, побезбедно и поефикасно да извршуваат плаќања во евра кон 41 земја членка на SEPA зоната.

Преку SEPA клиентите на Банката ќе можат да извршуваат плаќања во евра под исти услови како и во рамките на земјите од Европската Унија, со значително намалени трошоци и скратено време на процесирање. Плаќањата ќе се обработуваат најдоцна до следниот работен ден, што значи и подобра контрола и следење на трансакциите.

Посебно нè радува фактот што приклучувањето кон SEPA зоната дополнително ќе значи поддршка и импулс за зголемена дигитализација и е-трговија, полесен пристап до европските пазари и партнери, подобрени деловни можности и останати придобивки за граѓаните и компаниите.

Стопанска банка АД – Скопје
На ваша страна