9. 10. 2025

Членовите на Управниот одбор во посета на југозападниот регион

Во рамките на континуираните активности за подобро запознавање на членовите на Управниот одбор со локалните заедници, нивните карактеристики и бизнис традиции, г-а Хрисула Кутуди, Генерален извршен директор и Претседател на Управниот одбор на Стопанска банка, заедно со дел од сениор менаџментот, ја посети југозападната област – Кичево, Охрид и Струга.

Посетата опфати средби со вработените во филијалите, разговори за предизвиците и можностите, како и средби со клиенти и деловни партнери. Овие активности овозможија подобро разбирање на регионот и начинот на кој Банката може и понатаму да придонесува и да биде на страната на своите клиенти и заедници.

Нашата уникатна филијала во Охрид послужи како идеално место за коктел-средба со клиенти од регионот, при што нејзината архитектура му даде посебен белег на настанот и придонесе вечерта да биде уште повпечатлива.