27.10.2023

Резултати на Стопанска банка АД Скопје за третиот квартал од 2023 година

Стопанска Банка АД Скопје ги презентираше резултатите заклучно со септември, 2023 г., и уште еднаш ги потврди одличните перформанси кои резултираат со силната профитабилност, солидниот пораст на билансите, високиот квалитет на активата, стабилната ликвидност и повеќе од потребната висока капитална позиција.

Оперативната добивка изнесува 4,8 милијарди денари, повисоки за 29% во однос на истиот период од минатата година, додека приходите пред резервации и оданочување изнесуваат 3,7милијарди денари, исто така повисоки за 26% споредбено со истиот период од минатата година.

Оперативните трошоци забележаа пораст од 12% како резултат на порастот на цените, но рациото трошоци-во однос на приходи забележа пад од 33% на 30%, како резултат на дисциплинираното управување со трошоците.

Банката го зголеми износот на резервации за кредитните со алоцирање на 940 илјади денари, повеќе за 313 илјади денари споредено со минатата година, со цел да се обезбеди и повеќе од потребно покривање на сите групи на ризик на кредитна изложеност.

Како резултат на наведеното, нето-приходите достигнаа 2,5 милијарди денари, повисоки за 20% во однос на третиот квартал од 2022 година.

Истовремено, Стопанска банка ги зголеми деловните активности и ја подобри каматната маргина, ја зголеми понудата на банкарски производи и услуги, уште повеќе го подобри квалитетот на  билансот на состојба и со тоа го одржа и одржува во континуитет значајното пазарно учество. Кредитното портфолио забележа пораст од 4% или 89,7 милијарди денари, поддржано од силната депозитна основа која достигна 95,9 милијарди денари.

Портфолиото на хартии од вредност забележа пораст од 12% и достигна 11,660 илјади денари, кое заедно со останатата ликвидна актива обезбедува комфорно покривање на ликвидносните потреби и истовремено обезбедува раст на бизнисот.

Силната профитабилност е извор на органски, здрав капитал и со стапката на адекватност од повеќе од 17%, Банката продолжува да биде стабилна, силна и отпорна на сите предизвици, посветена на обезбедување на поддршка на своите клиенти низ повеќе канали на комуникација, фокусирана на здрав раст на профитабилноста и постојано подобрување на оперативната ефикасност.

Стопанска банка АД - Скопје