Маркетинг и ООП
Вози право, вози здраво vol. 10
Вози право, вози здраво vol. 10
За ВПВЗ vol.10
Јубилејно 10 „Вози право, вози здраво“, општествено одговорен настан - 6ти јуни од 17 часот
ЗА ПРОЕКТОТ
„Вози право, вози здраво“ е долгогодишен општествено одговорен проект на Стопанска банка, замислен за промоција на урбаниот велосипедизам, за почиста животна средина и поздрав начин на живот за нашите сограѓани.
Од своето прво издание во 2015та година, #ВПВЗ покрај тоа ревијалната трка посетена од илјадници учесници со своите ролерки, велосипеди, тротинети и бебе колички, вбројува и бројни донации на урбана опрема во насока на промоција на урбаниот велосипедизам.
Преку #ВПВЗ го изградивме првиот, вториот а наскоро и третиот детски велодром во Скопје, го градиме првиот детски велодром во Кочани, учествувавме во изградбата на првиот Pump track и го изградивме TOPSI pump track, ги поставивме првите 14 станици за поправка на велосипеди, над 450 паркинзи (во сите средни училишта во Градот и на повеќе урбани фреквентни локации). Вашиот одзив на настанот е наш поттик за донација. Заедно создаваме подобар свет за сите.
10то издание
Јубилејното 10то издание ќе се одржи на 6ти јуни (сабота) со старт на ревијалната трка во 17 часот пред Порта Македонија и цел во градскиот парк каде ќе следува уште поголема забава и лотарија за регистрираните учесници кои ги подигнале своите редни броеви.
Регистрација и подигнување на броеви
Оваа година, право на регистрација ќе имаат 10.000 лица по повод 10тото јубилејно издание.
Регистрацијата е достапна на линкот каде со посебна интернет форма се пополнуваат лични податоци потребни за успешна уникатна регистрација на секој учесник.
Подигнувањето на редните броеви ќе се одвива пред новата управна зграда на Банката на ул. Мирче Ацев бр. 3, од 10 до 18 часот во текот на 8 работни денови и тоа:
- од 26 до 28 мај и
- од 1 до 5 јуни
Подигнување на редни броеви на денот на настанот нема да биде овозможено.
Само лица кои се успешно регистрирани и ги подигнале своите редни броеви ќе можат да учествуваат во извлекувањата на лотаријата.
Лотарија со вредни награди
- 10 детски specialized велосипеди
- 10 specialized велосипеди
- 1 specialized road bike
- 10 Apple Watch
- 10 GoPro камери
- 10 комплети (кацига, синџир за велосипед, предно и задно светло)
- Награда од Град Скопје
Правила за безбедност и заштита
Старите добри правила за велосипеди во градот важат и понатаму:
Банката Ве информира дека работи согласно законската регулатива за заштита на лични податоци и дека личните податоци при регистрација на учесниците се собираат и обработуваат само за потребите на целосна реализација на ревијалната трка и по нејзино завршување истите ќе бидат избришани и уништени согласно регулативата. Банката применува технички и организициски мерки за заштита на личните податоци, и пристап до нив имаат само овластени лица на Банката.
Личните податоци нема да се пренесуваат на трети неовластени субјекти ниту надвор од земјата. Со поднесување на оваа регистрација, потврдувам дека сум лично одговорен за своите активности и постапки за време на ревијалната трка и дека ќе се грижам за својот личен имот.
Банката не превзема одговорност за однесувањето и постапките на учесниците како и евентуалните повреди или оштетувања на учесниците или нивниот личен имот за време на ревијалната трка и настанот.
Најчесто поставувани прашања
„Вози право, вози здраво“ е ревијална трка на граѓани кои се регистрирале за учество и кои со своите велосипеди, тротинети, ролерки, скироли и бебе колички доаѓаат да возат низ улиците на Центарот на Скопје ослободени од сообраќај.
Настанот е во организација и реализација на Стопанска банка АД - Скопје како дел од долгорочните општествено одговорни практики. Целта на настанот е да се промовира урбан велосипедизам, односно замена на автомобилите и автобусите со урбани превозни средства кои не ја загадуваат животната средина но и придонесуваат за индивидуалното здравје.
Ревијалната трка започнува од Порта Македонија, преку ул. Димитрие Чуповски, се врти десно кон ул. Даме Груев по која се движиме до бул. Илинденска па покрај Влада се движиме до пешачкиот премин за влез во Градскиот парк (кај старо Матично).
Сите лични превозни средства кои не загадуваат се повеќе од добредојдени:
- велосипеди, трицикли, push bikes или велосипеди со помошни тркала и секако електрични велосипеди
- ролерки, скироли, ролшуи
- тротинети на 2, на 3 или на 4 тркала, електрични тротинети (кои ќе возат со разумна брзина)
- родители со бебе колички и слично.
Само едно електрично возило е вклучено, во улога на безбедносно возило кое прво ја поминува патеката. Други возила не вклучуваме во трката, напротив улиците од центарот ги ослободуваме од возила за време на трката и ги освојуваме со нашите превозни средства.
Настанот е целосно инклузивен и добредојдени се сите кои сакаат да ја заживеат културата на урбан велосипедизам и сакаат улици со помалку возила а повеќе насмевки.
Затоа и на настанот организираме вредна лотарија преку која до сега се поделени над 200 велосипеди и други вредни награди.
Како општествено одговорна компанија со повеќе од 80 години искуство на пазарот и пред се како активен дел од заедницата, го креиравме овој проект како иницијатива на нашите вработени и горди сме што веќе 10 години настанот расте и се развива во проект со кој се гордееме и кој ќе остане како значајна нишка во историјата на Банката.
Велосипедизмот во град како Скопје е одлична алтернатива на возилата кои покрај тоа што го загадуваат воздухот, создаваат бучава и неред и почнувајќи од нас самите, се обидуваме да ги замениме со велосипед или тротинет и потивко, помирно и на поздрав начин да дојдеме до работното место и до домот.
Преку #ВПВЗ и донациите кои остануваат за Градот градиме нови генерации на љубители на велосипедизмот и градиме култура со која долгорочно ќе создадеме промена во однесувањето и во квалитетот на животот.
Донациите кои досега произлегоа од #ВПВЗ се:
- Детски вело-паркови во Скопје (Парк Македонија, Парк Сарај, Мега парк Карпош 4 и во општина Кочани)
- pump track во Градскиот парк (TOPSI pumptrack) и кај Олимписки базен
- Сите 23 средни училишта во Град Скопје добија големи паркинзи за велосипеди
- 300 паркинзи на ударни локации во Градот
- 14 станици за самостојна поправка на велосипеди
