22.05.2019

Вози право, вози здраво по петти пат

Почитувани љубители на велосипедизмот, на ролерките, тротинетите, скиролите. Со гордост го најавуваме петтото најголемо досега издание на #ВозиПравоВозиЗдраво - ревијална трка со голема забава и лотарија за учесниците. Настанот ќе се одржи во сабота, 08.06 со почеток во 17 часот на Порта Македонија и цел во Градскиот парк со голема забава и вредна лотарија. 

Регистрацијата за настанот е отворена, веќе ги имаме првите 500 пријавени учесници и бројот брзо се зголемува со што се докажува препознатливоста на настанот како убава и корисна манифестација, привлечна за целото семејство и со силна порака за заедницата - заедно можеме да го промениме нашето однесување и да придонесеме за поквалитетна животна средина. Секако, Стопанска банка АД - Скопје како благодарност за масовната поддршка на настанот, за Град Скопје ќе продолжи да донира урбана опрема за велосипедизам. Претходните донации вклучуваа: Изградба на детски велодром, набавка и поставување на станици за поправка на велосипеди и паркинзи за велосипеди на урбани локации, паркинзи за велосипеди на сите свои филијали, санација на подлогата за возење на детскиот велодром а во тек се подготовки за изградба на нова, поголема вело содржина во Градот.

Ве очекуваме да се регистрирате за учество најдоцна до 07.06 и да ги подигнете вашите редни броеви од i-bank store, нашата концепт филијала од 03.06 до 07.06 од 10 до 18ч и на денот на настанот до 15 часот. Подигнување на редни броеви на самиот старт нема да биде овозможено поради големиот број на учесници и оптимално искористување на периодот кога улиците се блокирани за сообраќај.

За сите дополнителни информации околу настанот, стартот, мапата, настапот на 5+ фамилија и Баскерфест, за вредната лотарија и слично дознајте на нашата веб страница или на Facebook страницата.

До сабота, 08.06 уживајте во убавото време и возете право, возете здраво :)

Стопанска банка АД - Скопје

75 години на ваша страна