header image

Стопанска банка АД - Скопје се стекна со сертификатот „Фер финансиски услуги за потрошувачите“

24. 12. 2021


Стопанска банка АД - Скопје  се стекна со сертификатот „Фер финансиски услуги за потрошувачите


Стопанска банка АД - Скопје се стекна со сертификатот „Фер финансиски услуги за потрошувачите“ кој го доделува Организацијата на потрошувачите на Македонија врз доброволна основа.

Доделувањето на сертификатот претставува потврда дека Стопанска банка АД - Скопје е ориентирана кон почитување на правата на потрошувачите и дека посветено се грижи за задоволството на потрошувачите во сите области на делувањетo.
Сертификатот „Фер финансиски услуги за потрошувачите“ се доделува заради исполнетоста на критериумите во шест одделни области кои се битни за потрошувачите, а се однесуваат на: обезбедување точни, недвосмислени, разбирливи и навремени информации, примена на чесни пазарни практики, овозможена комуникација и пристап кон банката за различни категории лица, воспоставен систем за одговорно управување со поплаки од потрошувачите, како и едукација на потрошувачите и развој на финансиската писменост.

Задоволство ни е да го поздравиме пристапувањето на Стопанска банка АД - Скопје  кон процесот на сертификација. Во сите наведени области банката ги исполни условите и се стекна со сертификатот – Фер Финансиски услуги за потрошувачите. Сертификатот ја верификува обврзаноста на Стопанска банка АД - Скопје  да негува примерен однос кон потрошувачите, а со тоа да придонесе кон нивната доверба и задоволство,“ изјави Претседателката на ОПМ д-р Маријана Лончар Велкова.

Добиениот Сертификат е на некој начин потврда од страна на нашите клиенти дека сите овие години чекориме во права насока, дека почитувањето на правата на потрошувачите во нашата Банка е на многу високо ниво со целосна запазеност на законските прописи, со истовремена висока посветеност на целиот тим на Стопанска банка АД - Скопје кон задоволување на нивните потреби.
Финансиската едукација и подобрувањето на финансиската писменост се дел од нашите неформални обврски, дел од нашите општествено одговорни практитки, посебно што во нашата 77 годишна историја секогаш сме тие што воведуваат нови финансиски производи и услуги за клиентите и посветуваме значителни ресурси во обезбедување на соодветни алатки за едукација прво на нашите вработени а потоа и на нашите клиенти и сограѓани. Оттука добивањето на сертификатот за нас е и обврска да продолжиме и понатаму дасе развиваме и да делуваме во обезбедување на фер финансиски услуги за клиентите.”, изјави Татјана Калајџиева, Сениор директор за продажба и мрежа на филијали, при Стопанска банка АД - Скопје.

 

 

 

Како прва од големите банки која го добива овој значаен сертификат, Банката ќе пристапи кон означување на своите деловни простории, кон продлабочена соработка со Организацијата на потрошувачи и зголемен број на едукативни активности и кампањи.

Стопанска банка АД – Скопје
На ваша страна


Повеќе за Сертификатот можете да дознаете од Кодексот за Фер финансиски услуги кон потрошувачите


Пребарај

Најчести прашања

Доколку ви е потребен банкомат посетете го делот Локации на нашата веб страна, каде што може да го најдете најблискиот банкомат до вас.

За аплицирање за некој од нашите кредитни производи посетете го делот Кредити, каде што ќе може да аплицирате online или пак да аплицирате телефонски на бројот 15 110.

За увид на сметка online мора да имате корисничко име и лозинка за кои е потребно да се обратите во најблиската филијала. Преку e-banking и m-banking сервисите имате достапност од 24/7 online увид и плаќања преку вашите сметки.

За аплицирање за некоја од нашите кредитни картички, онлајн, може да го користите следниов линк Картички, доколку пак сакате индивидуални пресметки и телефонски да аплицирате може да се обратите на телефонот 15 110 - Ало Кредит.

 

24 часа КОНТАКТ ЦЕНТАР

За дополнителни информации обратете се на

Веб-страницата на Стопанска банка АД - Скопје користи „колачиња“ кои собираат податоци за корисниците. Овие податоци помагаат на Банката да обезбеди подобро корисничко искуство, како и подобра функционалност на услугите и веб-страницата. Со одбирање на опцијата „Ги прифаќам сите колачиња“ давате согласност за начинот на кој ги користиме „колачињата“. За други опции, одете во „Поставки за колачиња“. Дополнително, користењето на веб-страницата на СБ не е условена од прифаќањето на колачињата иако на тој начин одредени процеси може да не бидат технички оптимизирани за вашето лично корисничко искуство.