Новости
Соопштенија
Соопштение за исплата на мајски пензии
25.05.2020
Соопштение за исплата на мајски пензии
Почитувани,
Имајќи ги во превид препораките и засилените мерки за заштита од ширење на COVID – 19, Ве известуваме дека мајските пензии од фондот на ПИОМ ќе бидат предвреме процесирани при што ќе се спроведе готовинска исплата во етапи, со цел да се намали концентрација на пензионери во филијалите и да се овозможи поголема заштита на оваа категорија клиенти.
Клиентите корисници на дебитни картички од Стопанска банка ќе можат да располагаат со мајските пензии веќе од 27.05.2020г. (среда), преку банкоматите и во трговската мрежа.
Готовинската исплата на пензиите, за клиентите кои не користат картички, ќе се спроведе во 4 групи во сите отворени филијали на Банката, согласно следниот распоред составен според висината на нивната пензија:
- До 11.000 денари на 27.05.2020г. (среда)
- 11.001-14.000 денари на 28.05.2020г. (четврток)
- 14.001-18.000 денари на 29.05.2020г. (петок)
- Над 18.001 денари на 01.06.2020г. (понеделник)
Потребно е клиентите да се придржуваат до овој распоред со цел спроведување на готовинската исплата во најдобар ред и за доброто на сите. Апелираме клиентите при посета на филијалата, размислувајќи пред се за своја лична заштита, да поднесат барање за изработка на бесплатна дебитна картичка со што во иднина ќе можат да располагаат полесно со своите средства.
Банката повторно апелира до сите клиенти корисници на пензија да пристапат кон активно користење на дебитните картички и банкоматите со цел намалување на нивната потреба од користење на филијалите не само за оваа пензија туку и за пензиите кои следуваат додека траат мерките за заштита.
Воедно, апелираме кај останатите клиенти во овие неколку денови на процесирање на пензиите за поголема трпеливост и почитување на препораките за лична и колективна заштита.
Во филијалите влезот е ограничен на одреден број на клиенти и задолжително е носење на маска/марама за покривање на носот и устата, додека пред влезот на филијалите обележани се позиции со помош на кои клиентите ќе можат да оддржат растојание од 2м додека чекаат.
Стопанска банка АД – Скопје
На ваша страна
