header image

СонувамеМенуваме 2 заврши со БЕНГ

19.12.2017



Второто издание на „СОНУВАМЕ.МЕНУВАМЕ.“ заврши со БЕНГ!

 

Со задоволството на сите учесници и на сите посетители, петте инклузивни концерти во рамки на „Сонуваме.Менуваме.“ со омилениот детски состав „5+ фамилија“ завршија и оставија зад себе сеќавања на добрата атмосфера, музиката, магијата, но и создадоа природна и ненаметлива подлога за инклузија на децата со посебни потреби.
 

 

Целта на оваа општествено одговорна активност беше на најмладите да им покаже како изгледа инклузијата, прифаќањето и разбирање. А таа цел беше реализирана преку пораката дека пријателството е најлесната работа на светот доколку пристапиш без предрасуди, со широко отворено срце и ги прифатиш разликите.
Додека Петко, главниот лик во претставата ја бараше петтата страна на светот (пријателството), децата уживаа во богатите музички, магични, театарски точки и учеа како може да се биде пријател со секого. Концертите за поголем ефект, завршуваа со песната „Земја“ која минатата година беше инспирирана од овој настан и со одлична музичка подлога помага за промоција на пораката за инклузија.



Во секој од петте концерти, продукцијата ОхО, сценариски вклучи точки со кои се претставија и асоцијациите на деца со посебни потреби: Трисомија 21, посебната паралелка при ОУ „Кузман Јосифовски – Питу“ за деца со оштетен слух, говор и глас, Завод за рехабилитација на деца со оштетен слух, говор и глас „Кочо Рацин“ од Битола, Dancers United и Дневниот центар за деца и младинци со церебрална парализа од Скопје.


Дополнително, во театарскиот дел од претставата учество зедоа Илина, Дарко и Цако од “Трисомија 21“, Ивана од посебната паралелка за деца со оштетен слух, говор и глас при ОУ „Кузман Јосифовски – Питу“, Филип и Јована од „Види ме“, како и цртан филм од цртежите на Асоцијација за права на деца и младинци со посебни потреби „Ластовица“ и со што уште повеќе го збогатија концертот.

 

Како благодарност, Банката за сите деца од асоцијациите ќе испрати пред Новата година мал подарок за сеќавање од „Сонуваме.Менуваме“ 2 а согласно најавата, на премиерата на „СонувамеМенуваме“, Банката ги објави и добитниците на грантовите за оваа година. Комисијата оваа година имаше значително потежок избор и поради бројноста на апликациите, но и поради нивната благородна цел. Им честитаме на сите кои подготвија предлог проект а посебно на добитниците кои се надеваме ќе бидат поттик за уште поголем број на апликации следната година.

Фотографиите од нашата ведра публика се достапни на Facebook страницата на Банката а за сите кои немаа прилика да ги проследат концертите, видео запис ќе биде прикажан на МРТВ на 31.12, во рамки на предновогодишната програма.


 
Стопанска банка АД – Скопје,
На ваша страна

Пребарај

Најчести прашања

Доколку ви е потребен банкомат посетете го делот Локации на нашата веб страна, каде што може да го најдете најблискиот банкомат до вас.

За аплицирање за некој од нашите кредитни производи посетете го делот Кредити, каде што ќе може да аплицирате online или пак да аплицирате телефонски на бројот 15 110.

За увид на сметка online мора да имате корисничко име и лозинка за кои е потребно да се обратите во најблиската филијала. Преку e-banking и m-banking сервисите имате достапност од 24/7 online увид и плаќања преку вашите сметки.

За аплицирање за некоја од нашите кредитни картички, онлајн, може да го користите следниов линк Картички, доколку пак сакате индивидуални пресметки и телефонски да аплицирате може да се обратите на телефонот 15 110 - Ало Кредит.

 

24 часа КОНТАКТ ЦЕНТАР

За дополнителни информации обратете се на

Веб-страницата на Стопанска банка АД - Скопје користи „колачиња“ кои собираат податоци за корисниците. Овие податоци помагаат на Банката да обезбеди подобро корисничко искуство, како и подобра функционалност на услугите и веб-страницата. Со одбирање на опцијата „Ги прифаќам сите колачиња“ давате согласност за начинот на кој ги користиме „колачињата“. За други опции, одете во „Поставки за колачиња“. Дополнително, користењето на веб-страницата на СБ не е условена од прифаќањето на колачињата иако на тој начин одредени процеси може да не бидат технички оптимизирани за вашето лично корисничко искуство.