04.11.2020

Распоред за исплата на социјална помош во месец ноември

Почитувани,

Ве информираме дека од 06.11.2020 (петок) ќе почне исплатата на средства за социјална помош.

За КОРИСНИЦИТЕ НА ПАРИЧНИТЕ ПРАВА ОД СОЦИЈАЛНА ЗАШТИТА предвидено е исплатата да се изврши на 06.11.2020 година (петок) и средствата за ова категорија ќе бидат достапни за корстење САМО преку мрежата на банкомати и во трговската мрежа. За корисниците од оваа група кои не користат картички, исплатата ќе се спроведе етапно во 3 групи во сите отворени филијали, во работните денови на Банката во периодот од 6ти до 10ти ноември, согласно со утврдениот распоред по азбучен ред, според првата буква од презимето и тоа:
-   6 ноември (петок) – А, Б, В, Г, Д, Ѓ, Е, Ж, З, Ѕ;
-   9 ноември (понеделник) – И, Ј, К, Л, Љ, М, Н, Њ, О;
-   10 ноември (втрорник) –П, Р С, Т, Ќ, У, Ф, Х, Ц, Ч, Џ, Ш.

Дополнително, се изврши исплата на средства за првата група на корисници на ЦИВИЛНА ИНВАЛИДНИНА И ПАРИЧНИ ПРАВА ОД ДЕТСКА ЗАШТИТА, БОРЦИ И ИНВАЛИДИ, БЕГАЛЦИ И АЗИЛАНТИ и истите ќе бидат достапни  за корстење САМО преку мрежата на банкомати и во трговската мрежа. За корисниците кои не користат дебитни картички, готовинска исплата за оваа категорија на корисници ќе се изврши етапно, во 3 групи, во сите отворени филијали, во периодот од 4ти до 6ти ноември, согласно со утврдениот распоред по азбучен ред, според првата буква од презимето и тоа:
-   4 ноември (среда) – А, Б, В, Г, Д, Ѓ, Е, Ж, З, Ѕ;
-   5 ноември (четврток) – И, Ј, К, Л, Љ, М, Н, Њ, О;
-   6 ноември (петок) –П, Р С, Т, Ќ, У, Ф, Х, Ц, Ч, Џ, Ш.

Како и претходните месеци, пред се поради своја лична заштита, апелираме до клиентите да поднесат и барање за изработка на дебитна картичка со што ќе бидат подготвени за подигнување на нивните средства следниот месец и ќе се намали нивната потреба од користење на филијалите не само за овие приливи туку и за приливите кои следуваат додека траат мерките за заштита.

Клиентите кои ќе ги посетат нашите филијали, треба да ги следат следните препораки:
•    Доследно запазување на редоследот на исплата по датум и азбучен ред
•    Задолжително да се почитуваат сите превентивни мерки во насока на заштита на јавното здравје: користење на маски или марами и да се одржува меѓусебно растојание од најмалку 2 метри, за што се ангажирани и редарски службеници.

Сите клиенти корисници на социјална помош ќе бидат известени за точниот распоред на исплатата, на следните начини:
•    Јавна објава на веб страната
•    Известување во Филијалите (за што дополнително ќе добиете соопштенија со утврден распоред на исплата кои ќе треба да се истакнат при влезот во вашите филијали).