04.12.2019

Оглас за вработување во Сектор за внатрешна ревизија

Одлична шанса да се приклучите кон реномирана меѓународна финансиска групација и да станете дел од професионален меѓународен тим на Внатрешна ревизија, кој во соработка со Одборот за ревизија, Управниот одбор и менаџментот на Банката обезбедува постоење на, и усогласеност со, системот на интерни контроли и ефикасни оперативни практики.

Интерен Ревизор за позицијата Ревизор/Супервизор

Значајни должности:

• Извршување на сите фази на ревизорскиот процес, во соработка со Менаџерот на ревизијата.
• Извршување на детални анализи за оценка на ефективноста и ефикасноста на ревидираниот процес/функција, како и неговата усогласеност со локалната регулатива и корпоративните политики и процедури.
• Подготвување и презентација на ревизорски извештаи до Менаџерот на ревизијата и Менаџерот на ревидираниот процес/функција, и обезбедување на периодичен мониторинг на спроведувањето на плановите на менаџментот за корективни акции.

Потребни квалификации:

• Универзитетска диплома во релевантна област (Сметководство и Ревизија, Финансии или еквивалентна област).
• Најмалку 3 години релевантно работно искуство во областите на внатрешна, надворешна ревизија и/или сметководство и финансии; искуство во внатрешна ревизија ќе се смета како предност.
• Професионална квалификација (или значително комплетирана квалификација) ќе се смета како значајна предност (Овластен ревизор, CIA, ACCA или еквивалентно).
• Познавање и значително искуство во спроведување на Меѓународните стандарди за професионална практика на внатрешната ревизија и Меѓународните стандарди за финансиско известување, ќе се сметаат како значајна предност.
• Одлични способности за тимска работа, комуникација и меѓучовечки односи.
• Кандидатот треба да биде способен/на да работи независно и самостојно, со органичена супервизија.
• Значајни аналитички и презентациони способности и способност за писмено известување.
• Одлично познавање (вербално и писмено) на англиски јазик, како и стручно и напредно користење на MS Office.

Стопанска банка АД – Скопје нуди атрактивен компензационен пакет и можности за континуиран професионален развој кои ја рефлектираат нејзината улога на водечка финансиска институција.

Работната позиција и месечниот надомест ќе бидат утврдени согласно искуството и квалификациите на кандидатот.

Доколку сте заинтересирани и квалификувани за наведената позиција, Ве молиме аплицирајте со поднесување на Вашето CV и Писмо за интерес на англиски и македонски јазик, електронски на: human.resources@stb.com.mk

Пријавувањето можете да го извршите најдоцна до 16 декември 2019.

Единствено квалификуваните кандидати во потесен избор ќе бидат понатаму контактирани.

Стопанска банка АД - Скопје

75 години на ваша страна