header image

Честитки по повод денот на штедење!

31.10.2018

 

 

Светски ден на штедење - 31. Октомври

 

 

Стопанска банка АД - Скопје испраќа честитки до сите клиенти кои, преку совесно управување со личните финансии, заштедуваат и создаваат подобра иднина за себе и за своите семејтсва.

Светскиот ден на штедењето е прилика да се потсетиме на корисните аспекти на штедењето и повеќекратните бенефити како за физичките лица и за банкарскиот сектор така и за целокупната економија. Со креирање на солидна депозитна база, банкарскиот систем располага со средства со кои дава поттик на стопанството и креирањето на работни места што пак создава простор за дополнителни заштеди. На тој начин овој комплетен круг работи во взаемен интерес и е предуслов за безбедна и просперитетна иднина. Според г-а Анита Ангеловска - Бежовска, Гувернерката на НБРМ, во последните 10 години вкупните депозити растат во просек 8% годишно што придонесе кон постигнување на ниво на депозити од 55% од БДП во 2017та година.  Порастот е знак за високата доверба на граѓаните во банкарскиот сектор, којшто во целиот овој период остана здрав, стабилен, високо капитализиран и ликвиден.

 

На свеченоста во организација на Македонската Банкарска Асоцијација, честитки испратија Гувернерката на НБРМ, Министерот за Финансии како и Претседателот на МБА а доделени беа и плакети за најдобрите банкарски службеници од банките и штедилниците во Македонија.

 

  

 

Со гордост ги посочуваме нашите колешки кои ги понесоа овие титули годинава и им посакуваме да продолжат со посветеноста и професионалноста со што ќе бидат пример и поттик за сите вработени на Банката.

  • Владанка Џекова Мицева – советник за продажба во филијала Гевгелија, Источен Регион
  • Мерита Ајрули Емини – советник за продажба во филијала Тетово Нова, Западен Регион
  • Елена Стевановска- раководител на служба за продажба во филијала Буњаковец, Регион Скопје

 

Во текот на октомври, месецот на штедењето, Банката ја посетија, организирано преку училиштата и градинките, над 1.200 деца (во i-bank store и филијалите низ Републиката) при што добија можност за кратка интерактивна презентација околу значењето на штедењето и можноста за креирање на таа навика од мали нозе. Децата, покрај презентацијата, при посетите цртаа, боеја и добиваа симболични ПЧЕЛКА подароци кои ќе продолжат да ги потсетуваат на потребата за штедење во текот на годината. Банката останува посветена да работи на финансиска едукација на своите сегашни и идни клиенти преку овој вид на посети и презентации. Заинтересираните училишта и градинки може во текот на целата година да се обратат до најблиската филијала и да побараат термин, за одржување презентација во просториите на Банката, кој најдобро ќе одговара за децата.

 

За крај, Стопанска банка АД - Скопје, заокружувајќи го месецот на штедење, одлучи на сите Пчелка депозити отворени во месец октомври да испрати посебна честитка со износ од 1.500денари кој ќе им биде уплатен на сметка на депозитот. Со овој симболичен гест ги поздравуваме децата и родителите кои одлучиле да создаваат трајни вредности за иднината и им благодариме што на Банката ја доверија својата заштеда. Заедно градиме и создаваме подобра иднина, штедејќи секој ден дел по дел.

 

 

Стопанска банка АД - Скопје

На ваша страна

Пребарај

Најчести прашања

Доколку ви е потребен банкомат посетете го делот Локации на нашата веб страна, каде што може да го најдете најблискиот банкомат до вас.

За аплицирање за некој од нашите кредитни производи посетете го делот Кредити, каде што ќе може да аплицирате online или пак да аплицирате телефонски на бројот 15 110.

За увид на сметка online мора да имате корисничко име и лозинка за кои е потребно да се обратите во најблиската филијала. Преку e-banking и m-banking сервисите имате достапност од 24/7 online увид и плаќања преку вашите сметки.

За аплицирање за некоја од нашите кредитни картички, онлајн, може да го користите следниов линк Картички, доколку пак сакате индивидуални пресметки и телефонски да аплицирате може да се обратите на телефонот 15 110 - Ало Кредит.

 

24 часа КОНТАКТ ЦЕНТАР

За дополнителни информации обратете се на

Веб-страницата на Стопанска банка АД - Скопје користи „колачиња“ кои собираат податоци за корисниците. Овие податоци помагаат на Банката да обезбеди подобро корисничко искуство, како и подобра функционалност на услугите и веб-страницата. Со одбирање на опцијата „Ги прифаќам сите колачиња“ давате согласност за начинот на кој ги користиме „колачињата“. За други опции, одете во „Поставки за колачиња“. Дополнително, користењето на веб-страницата на СБ не е условена од прифаќањето на колачињата иако на тој начин одредени процеси може да не бидат технички оптимизирани за вашето лично корисничко искуство.