header image

Ана Марија Атанасовска - националниот шампион во MOS освои сребро на светскиот натпревар во Њу Јорк

07.08.2019

 

Ана Марија Атанасовска - националниот шампион во MOS освои сребро на светскиот натпревар во Њу Јорк

 

Денес во i-bank store филијалата на Стопанска банка АД – Скопје претставена беше младата Ана Марија Атанасовска, ученичка од СУГС “Раде Јовчевски Корчагин” која го освои второто место на светскиот Microsoft Office Specialist натпревар кој оваа година се одржа од 28-31 јули во Њујорк, САД. Ана Марија се натпреваруваше во категоријата Microsoft PowerPoint 2013 со што Македонија го направи најголемиот успех досега на овој престижен светски шампионат. Во конкуренција со 152 учесници од 119 земји во светот, Ана Марија го освои сребрениот медал, што е највисокото место што досега го постигнал македонски претставник на натпреварот. Учесниците се натпреваруваа во повеќе категории поделени според апликациите на Microsoft Office– PowerPoint, Excel и Word.

 

Претставувањето на Ана Марија беше во просториите каде веќе 4 години се одржува MOC натпреварот, i-bank store филијалата на Стопанска банка АД – Скопје со што уште еднаш се промовираа вредностите кои ги застапува Банката кон заедницата, кон младите и кон подобрување на едукацијата и дигиталната писменост. Банката овие 4 години, како партнер на настанот во целост ги покрива патните трошоци и сместувањето за националниот победник и менторот.

 

На денешниот пречек беше презентиран успехот на кој сите треба да сме горди, а се најавија и плановите и желбите за Македонија за наредната година каде според директорката на Семос Едукација, г-ѓа Валентина Тасева, Македонија може да има 9 претставници и тоа 6 во Microsoft Office конкуренција и 3 Adobe натпреварувачи.

 

“Многу сме среќни на овој голем успех и освојувањето на досега највисокиот пласман на светскиот натпревар во дигитална писменост, второто место. Честитки до сите учесници, професори и ментори. Исто така сакам да се заблагодарам на сите поддржувачи на овој натпревар кои во изминатите 4 години ги препознаа потенцијалот на нашите млади, како: Стопанска банка АД - Скопје, Град Скопје, VIP, Макпетрол, Метрополис Радио, Витаминка и Lycamobile. Она што сакам да го истакнам и потенцирам е дека нашите млади заслужуваат поголемо внимание и би сакала да апелирам за поголема помош и активно вклучување на поголем број на компании и државни институции со поддршка, со цел да се овозможи присуството на македонските претставници на глобалните Microsoft Office Specialist и Adobe шампионати во поголем број.  Нашите млади навистина имаат  капацитет да се борат за уште поголеми успеси на светско ниво. На натпреварите можеме да испратиме 9 учесници а поради финансиски причини испраќаме само еден до два претставници.” - изјави Валентина Тасева, генерална директорка на Семос Едукација еден од главните поддржувачи на натпреварот.

 

Македонија четврта година по ред испраќа свои претставници на MOS и ACA шампионатите благодарение на организаторот Certiadria. Според директорот на Cetiadria, г. Марко Серафимовски овој голем успех е мотив за повеќе млади да се пријават на овој натпревар наредната година.

“Честитки до сите ученици, студенти, ментори, наставници и професори кои земаа учество на македонскиот натпревар. Четиригодишниот труд конечно се исплатеше. Среќен сум што со напорна работа и многу труд успеавме да направиме историски успех, освојувајќи го второто место во Њујорк. Сигурен сум во капацитетите што ги имаат нашите млади и во нивната желба за личен развој во дигиталниот свет и докажување на дигиталната писменост. Овој настан сакам да го искористам и да ги повикам сите ученици и студенти на возраст од 13-22 години активно да се вклучат во натпреварите и да го докажат своето знаење. Повик и до наставниците, професорите, менторите и родителите од цела Македонија, да ги поттикнуваат своите ученици и деца да се натпреваруваат со знаење и да го инвестираат и насочат своето време, труд и знаење кон нив. Благодарност до сите учесници и компании за досегашната поддршка и се гледаме на 5-от натпревар кој ќе започне во септември оваа година на државно ниво.” - изјави Марко Серафимовски.

 

--------------------------------------------------------------------------------------------------------------------------------------

Microsoft Office World Championship е најголемиот IT натпревар во светот и вклучува повеќе од 850.000 учесници од цел свет.

Ана Марија Атанасовска на крајот од мај беше избрана за национален претставник, по победата во финалето на државниот натпревар кој се одржа во Скопје, а на кој учествуваа најдобрите 40 млади од речиси 700 пријавени лица.

Натпреварот за Microsoft Office Specialist во нашата држава се одржува веќе четврти пат по ред, додека за Adobe Certified Associate по вторпат.

Идејата на овие натпревари е да се поттикне дигиталната писменост меѓу младите. Организатори на националните натпревари се Certiadria а сите овогодишни настани се спонзорирани и потпомогнати од Стопанска банка АД - Скопје, Град Скопје и Семос Едукација.

 

Пребарај

Најчести прашања

Доколку ви е потребен банкомат посетете го делот Локации на нашата веб страна, каде што може да го најдете најблискиот банкомат до вас.

За аплицирање за некој од нашите кредитни производи посетете го делот Кредити, каде што ќе може да аплицирате online или пак да аплицирате телефонски на бројот 15 110.

За увид на сметка online мора да имате корисничко име и лозинка за кои е потребно да се обратите во најблиската филијала. Преку e-banking и m-banking сервисите имате достапност од 24/7 online увид и плаќања преку вашите сметки.

За аплицирање за некоја од нашите кредитни картички, онлајн, може да го користите следниов линк Картички, доколку пак сакате индивидуални пресметки и телефонски да аплицирате може да се обратите на телефонот 15 110 - Ало Кредит.

 

24 часа КОНТАКТ ЦЕНТАР

За дополнителни информации обратете се на

Веб-страницата на Стопанска банка АД - Скопје користи „колачиња“ кои собираат податоци за корисниците. Овие податоци помагаат на Банката да обезбеди подобро корисничко искуство, како и подобра функционалност на услугите и веб-страницата. Со одбирање на опцијата „Ги прифаќам сите колачиња“ давате согласност за начинот на кој ги користиме „колачињата“. За други опции, одете во „Поставки за колачиња“. Дополнително, користењето на веб-страницата на СБ не е условена од прифаќањето на колачињата иако на тој начин одредени процеси може да не бидат технички оптимизирани за вашето лично корисничко искуство.