Стопанска банка АД Скопје

Со превземањето на банката од страна на НБГ, од Јуни 2001 година формирана е Дирекција за обука и развој во склоп на Секторот за кадри, со што Стопанска банка АД Скопје е прва банка со таков вид на дејност.
Примарна дејност на дирекцијата е одржување на семинари, презентации и специјализирани обуки со кои се врши професионално остручување на вработените. Од тековните семинари би можеле да ги издвоиме: "Семинарот за работа со коминтенти"; "Маркетинг и продажба"; "Менаџмент и лидерство" и др.

Во досегашниов период се одржани над 200 семинари низ кои се поминати околу 2000 учесници, над 45.000 тренинг часови, што придонесува за видлив успех во делот на работата со коминтентите, а и во работата на вработените во целост.

Во рамките на програмата за креирање на нови генерации на менаџери, Стопанска Банка ги подржува младите високо стручни вработени во добивањето на магистарски дипломи во земјата или во странство (Англија, САД, Грција, Италија итн. ).