Стопанска Банка АД - Скопје

18.05.2012

Потпишано долгорочно партнерство за соработка со Импексел2 и Еуро Актива за станбениот комплекс Гранд Престиж

Стопанска банка АД - Скопје во континуитет во изминатите 67 години како корпоративен граѓанин на Република Македонија, ја поддржува македонската економија и стопанство и се гордее со секој поединечен проект како и со свој успех. Посебно внимание посветуваме на градежната индустрија која во последните неколку години е во постојана експанзија создавајќи нов имиџ за градот и државата.

17.05.2012

IFC и Стопанска банка ги зголемуваат можностите за финансирање на малите и средни претпријатија

ИФЦ, членка на групацијата Светска банка, и Стопанска банка АД – Скопје, членка на групацијата НБГ, ги здружија силите за да ги зголемат можностите за финансирање на трговското работење за да им помогнат на малите и средните претпријатија да пристапуваат кон нови пазари и да создаваат работни места.

17.05.2012

IFC, Stopanska Banka AD – Skopje Partner to Expand Trade Finance for SMEs

In Belgrade:
Slobodan Brkic
Phone: +381 11 3023 750
E-mail: SBrkic@ifc.org

Skopje, Macedonia, May, 2012—IFC, a member of the World Bank Group, and  Stopanska Banka AD – Skopje, member of NBG Group have joined forces to expand trade finance in Macedonia, a partnership that will help small and medium enterprises create jobs and move into new markets.

16.05.2012

10.05.2012

Стопанска банка учесник на Саемот за кариера на Универзитетот Југоисточна Европа во Тетово

Стопанска банка АД – Скопје, како интегрален дел од македонското стопанство повеќе од 67 години е горда што зеде учество на Саемот за кариера на Универзитетот Југоисточна Европа и повторно беше заедно со идните генерации кои во годините што доаѓаат ќе ја носат одговорноста за економскиот раст, промоцијата на државата и интеграцијата во глобалните движења. 

 
“Најголемата банка во Македонија ја разбира потребата дека по академската надградба на секој млад и амбициозен човек му е потребно е практично искуство, реално спознавање на бизнис практиките и правилата кои владеат во денешниот свет и од тој аспект, како и секоја година Стопанска банка АД – Скопје е подготвена да понуди реализирање на студентска пракса во една од нашите филијали или во централата и да биде ментор во зачетокот на професионалната кариера.“  - Изјави г. Фатмир Идризи, Директор за големи клиенти, Стопанска банка АД - Скопје. 
 

10.05.2012

Награда од Deutsche Bank

Традицијата и искуството на Стопанска банка во реализација на меѓународни плаќања повторно се наградени со признанието од Deutsche Bank AG Straight – Through Processing (STP) Excellence Award. Наградата се доделува исклучиво на банки кои покажуваат максимална прецизност и точност во процесирањето на платните трансакции во странство за клиентите на Банката и истата е доказ дека Банката применува современи, европски стандарди во соработката со клиентите и останува лидер во банкарското работење во Македонија.

Стопанска банка АД - Скопје

На ваша страна

07.05.2012

Стопанска банка АД - Скопје спонзор на 13та годишна конференција на Македонска берза

На 04.05.2012 (петок), Стопанска банка АД - Скопје како еден од спонзорите на 13та годишна конференција на Македонска берза зема активно учество на конференцијата.

07.05.2012

ЈАВЕН ПОВИК

за учество на 29-та седница на Собранието на акционерите на Стопанска банка АД – Скопје
 

Врз основа на член 27 од Статутот на Стопанска банка АД – Скопје (С.О. Бр. 221/20.12.2011 година, пречистен текст), Надзорниот одбор на Стопанска банка АД – Скопје, на седницата одржана на 27.04.2012 година, донесе Одлука за свикување на 29-та седница на Собранието на акционерите на Стопанска банка АД – Скопје (Н.О. бр. 2138 / 27.04.2012 година).

Седницата на Собранието ќе се одржи на 25.05.2012 година (петок), со почеток во 12:00 часот во седиштето на Стопанска банка АД – Скопје, Централа, на ул: “11 Октомври” бр. 7, 1000 Скопје (влез во Градскиот Трговски Центар).

28.04.2012

Интервју Глигор Бишев, Претседател на Управниот одбор на Стопанска банка АД - Скопје

Линк до интервју

25.04.2012

Стопанска банка АД - Скопје дел од Денови на кариера 2012 на Економскиот факултет - Скопје

Стопанска банка АД - Скопје учествуваше на саемскиот дел од настанот Денови на кариера 2012год. што се одржа на 20 - 21.04.2012 на Економскиот факултет при Универзитетот „Св. Кирил и Методиј" - Скопје во организација на студенстката организација AIESEC.

27.04.2012

Соопштение за неработен ден - 01.05.2012 (вторник)

Почитувани клиенти,
По повод државниот празник 1ви Мај – Ден на трудот, филијалите на Стопанска банка АД – Скопје нема да работат на 01.05.2012 (вторник).

26.04.2012

24.04.2012г.

Вработените на Стопанска банка помогнаа во „Недела на хуманитарноста“ организирана од Црвен крст на град Скопје

Вработените на Стопанска банка АД - Скопје зедоа активно учество во хуманитарната акција што Црвен крст на град Скопје ја реализира позната како „Недела на хуманитарноста“ од 23 до 29ти април. Имено денес 24.04.2012 (вторник), во просториите на Централата на Банката, вработените помогнаа во успешната реализација на проектот преку откуп на вредносни ваучери.

17.04.2012г.

-ЗДРУЖЕНИЕ НА БАНКАРСТВО-

СООПШТЕНИЕ ЗА КОРИСНИЦИ НА УСЛУГИ ОД БАНКИ И ШТЕДИЛНИЦИ

Почитувани клиенти,

Во име на Здружението на банкарство при Стопанската Комора на Македонија, Ве информираме, дека согласно важечката законска регулатива во Република Македонија, сите банки/штедилници при воспоствување на деловен однос или вршење на трансакција спроведуваат идентификација, потврдување и ажурирање на идентитетот на клиентот. 

12.04.2012

Наградна игра „Пролетни награди со i-bank услугите“

Со пролетта пристигна и нова наградна игра, во организација на Стопанска банка АД – Скопје. Имено, со лесни плаќања преку e-banking, телефонско банкарство и плаќања преку банкомат клиентите земаат учество во наградна игра за i-bank услугите на СБ и станете добитник на една од 130 вредни награди.

Наградната игра е со времетраење во периодот од 10.04.2012 до 18.07.2012г. и се однесува на сите корисници на: e-banking сервисот за плаќање, phone banking сервисот за плаќање и плаќањата преку банкомат.  Имено, со секое плаќање преку една од i-bank услугите клиентот добива право на едно учество во едно од десетте извлекувања. Извлекувања ќе се реализираат секои десет дена во горенаведениот период. 

09.04.2012

Соопштение за неработни денови за време на Велигденските празници

Почитувани клиенти,

По повод претстојните Велигденски празници, филијалите на Стопанска банка АД – Скопје нема да работат на 13.04.2012(петок), 14.04.2012(сабота) и 16.04.2012(понеделник).

27.03.2012

Купувајте на рати без камата на Саемот за мебел 2012

Стопанска банка АД - Скопје и оваа година е присутна на најпосетуваната саемска манифестација Саем за мебел. Саемот е отворен за посетители од 27.03 - 01.04.2012. Посетителите имаат можност да посетат еден од штандовите на нашите партнери и да купуваат за време на саемот со саемски попуст на рати БЕЗ КАМАТА со кредитните картички издадени од Стопанска банка.

Покрај тоа, на Саемот имате можност да поднесете и барање за потрошувачки кредит или кредитна картичка на штандот на Стопанска банка АД - Скопје.

Искористете ги саемските попусти и купете го тоа што ви е потребно за вашиот дом по најповолни услови.

Стопанска банка АД - Скопје

На ваша страна

23.03.2012

Стопанска банка АД - Скопје со пролетна понуда за Станбен кредит!

Стопанска банка како Банка која стои зад повеќе од 40% станбени кредити во Македонија, повторно излезе со понуда на атрактивни услови за сите клиенти заинтересирани за купување на сопствен дом.
Со кампањата која трае во периодот од 20.03.2012 до 31.05.2012, Банката овозможи преференцијални услови за клиентите, со кои тие ќе бидат на само чекот до својот нов дома – поточно 50% намалување на административните (со проценета вредност од 200 евра по клиент) и нотарските трошоци (со просечна вредност од 125 евра по клиент).

20.03.2012г.

Донација на Клиниката за Пулмологија и Алергологија, Скопје

Стопанска банка АД – Скопје како долгогодишен финансиски партнер на Клиниката за Пулмологија секогаш наоѓа начини за продлабочување на соработката, но и начини за помагање на работата што Клиниката ја извршува. Овој пат, во рамки на својата корпоративна општествена одговорност, Банката донира опрема за Клиниката за Пулмологија и Алергологија која ќе им помогне во секојдневното работење и ќе им овозможи подобра грижа за пациентите.
Опремата предмет на донација, содржи помеѓу другото и медицински торакоскоп, пред се дијагностички апарат кој го користат специјалисти пулмолози за точна дијагностика на пулмолошки заболувања, но се користи и за полесни интервенции и зафати. Клиниката оспособи посебна просторија за новата опрема која веќе од оваа недела ќе биде во примена за првпат за пациентите во Клиниката, но и воопшто во Македонија.

16.03.2012

Нова услуга во e-banking сервисот - девизни плаќања за правни и физички лица

Стопанска банка АД - Скопје следејќи ги потребите на клиентите и барањата за нови услуги во сервисот за електронско банкарство воведе нова можност за ДЕВИЗНИ ПЛАЌАЊА во странство за физички и правни лица.

Солгасно процедурата, сите клиенти кои сакаат да им биде овозможено девизното плаќање, потребно е да пополнат нови договори за користење на услугата e-banking и истите да ги достават во најблиската филијала на Банката. Потребната документација можете да ја најдете на следниот линк.

09.03.2012

НОВО: Наградна игра за Visa кредитни картички „За купување на рати, Visa со патување ќе ви врати“

Уживајте во користењето на вашите Visa кредитни картички и купувајте на рати во се поголемата трговска мрежа. Само со овој мал услов станувате потенцијален добитник на една од вредните награди:

• Патување за 2 лица во Дубаи
• 2 х Викенд во Аурора за 2 лица

Правилата за наградната игра можете да ги најдете тука.

Листа на трговците кај кои е овозможено купување на рати БЕЗ КАМАТА со кредитните картички можете да најдете тука.

10.03.2012

Интервју со г. Глигор Бишев, Претседател на УО на Стопанска банка АД - Скопје, Дневник 10.03.2012

06.03.2012

Саем за градежништво 2012

Стопанска банка АД - Скопје зеде активно учество на Саемот за градежништво и RealEx Саемот за недвижности кој се одржува оваа година од 06.-10.03.2012 на Скопскиот саем. Саемот има за цел да ја претстави понудата на градежните компании на пазарот за недвижнини како и капацитетите достапни за населението и правните лица.

Согласно изнесеното на Конференцијата во организација на RealEx во 2011г. во Скопје во 2011 година пласирани биле 1200 готови станови а најголем развој во овој поглед има во населбите Аеродром и Кисела Вода. Побарувачката за станбени објекти е стабилна на 8.500 трансакции годишно и просечната цена по квадрат изнесува 1041 евра. Стопанска банка АД - Скопје на саемот ги претставува своите производи - станбени и хипотекарни кредити со кои доминира на македонскиот пазар. Пазарното учество од 40% докажува дека Банката развива производи кои се во склад со потребите на клиентите. Секако, во фокусот на интересот останува и понудата од проектот на Владата на РМ „Купи куќа, купи стан“ за кој Стопанска банка дополнително нуди и 50% попуст на нотарските трошоци со што на клиентите им го олеснува првиот чекор до сопствен дом.

05.03.2012

Стана милионер на 20 години со картичката од Стопанска банка

На 15.02.2012 година беа извлечени добитниците на наградната игра на Стопанска банка АД- Скопје - „Со картичка до милион“. Главната награда од 1 милион денари ја доби дваесетгодишниот Кирил од Скопје.
 

„Пресреќен сум и изненаден што токму јас сум добитникот на главната награда од наградната игра на Стопанска банка. Во декември излегов со намера да ги купам патиките што одамна ми се допаѓаа и при плаќањето, за прв пат ја искористив мојата Виса дебитна картичка. Во тој момент, не ни помислив дека оваа моја прва трансакција во трговска мрежа може да ми обезбеди учество во наградната игра и толку голема добивка. Наградата доаѓа во право време за моето семејство затоа што токму во овој период со мајка ми се подготвувавме да аплицираме за станбен кредит од Стопанска банка, па сега ќе настојувам парите да ги искористам дел за новиот дом, но дел секако и за некое интересно патување” – изјави Кирил, среќниот нов милионер.
 

27.02.2012

Стопанска банка традиционално присутна на Струмичкиот карневал

На најновото издание на Струмичкиот карневал продефилираа над 2000 групни и индивидуални маски додека жителите на Струмица и бројните гости во знак на поддршка на карневалот маскирани го следеа свеченото дефиле. За збогатување на настанот, Стопанска банка АД - Скопје изработи и подели неколку илјади хартиени маски а за најмладите овозможи и уникатен face paint кој на огромно задоволство успеа да ги претвори децата во пеперутки, кловнови и супер херои.

20.02.2012

Награда од Стопанска комора на Македонија за најголем донатор во 2011 година

Стопанска комора на Македонија прослави 90 години од нејзиното постоење на гала свеченост во присуство на 1200 видни гости. На свечениот чин, покрај членките на најстарата, најбројната и најголемата бизнис-заедница во земјава, присуствуваа претставници на државните органи, институции, дипломатскиот кор, претставници на меѓународни институции, здруженија и партнери, гости, пријатели и поддржувачи на  Стопанската комора на Македонија и на коморското работење од земјата и од странство. 

По повод големиот јубилеј и овојпат беше доделена Наградата на Стопанската комора на Македонија и во категоријата за најголема донаторска активност. Оваа година добитник на наградата е Стопанска банка АД - Скопје. Наградата ја прими Претседателот на Управниот одбор на Банката г. Глигор Бишев. Наградата е уште едно признание дека Банката е општествено одговорна компанија која се залага да биде повеќе инволвирана во проектите и активностите на заедницата и општеството во кое функционира.

16.02.2012

Заштеда на електрична енергија

Почитувани клиенти,

Вредноста на енергијата налага да управуваме со неа внимателно и рационално особено во периоди кога на земјата и се потребни дополнителни ресурси. Во таа насока, Стопанска банка АД – Скопје ги изгаси светлечките реклами во своите филијали. На овој начин, Банката како општествено одговорен корпоративен граѓанин се придружува кон заложбата за намалување на потрошувачката за енергија и со свој личен пример дава придонес во зголемувањето на  свесноста за потребата од штедење на електричната енергија.

Стопанска банка АД - Скопје

На ваша страна

01.02.2012

Прилагодување на каматни стапки

Почитувани клиенти,

Ниската и стабилна инфлација и движењата на меѓународните и домашните финансиски пазари детерминираа намалување на каматните стапки. Истовремено, поради ниската инфлација реалните каматни стапки остануваат на релативно високо ниво. Стопанска банка АД – Скопје следејќи ги ваквите движења како и потребите на стопанството на Република Македонија изврши прилагодување на каматните стапки со примена од 01.02.2012г.

Информацијата за новите каматни стапки е достапна на веб страницата и во секоја од нашите филијали.

Стопанска банка АД – Скопје
На ваша страна

17.01.2012

Соопштение за неработен ден 19.01.2012г. (четврток)

Почитувани клиенти,

По повод верскиот празник Богојавление (Водици), филијалите на Стопанска банка АД – Скопје нема да работат на 19.01.2012г. (четврток).
На располагање ги имате i-bank услугите достапни преку телефон, e-banking и банкоматите на СБ, како и партнерите од трговската мрежа кои ги прифаќаат картичките од Стопанска банка.
Вработените и менаџментот на Банката ви го честитаат празникот!

Стопанска банка АД - Скопје

На ваша страна