Соопштение за IFC и СБ мак

Thu, 17 May 2012 15:06:00 +02:00

17.05.2012

IFC и Стопанска банка ги зголемуваат можностите за малите и средни претпријатија

ИФЦ, членка на групацијата Светска банка, и Стопанска банка АД – Скопје, членка на групацијата НБГ, ги здружија силите за да ги зголемат можностите за финансирање на трговското работење за да им помогнат на малите и средните претпријатија да пристапуваат кон нови пазари и да создаваат работни места.

Стопанска банка се придружи кон Глобалната програма за финансирање на трговското работење на ИФЦ (GTFP) како емисиона банка. Оваа програма го поддржува трговското работење на растечките пазари преку обезбедување делумни и целосни гаранции за индивидуални трговски трансакции што имаат кредитен рејтинг „ААА“ од ИФЦ.

Стопанска банка дава кредити за финансирање на увозните и извозните деловни активности на своите клиенти – трговски друштва и мали и средни претпријатија. Пристапот до финансирање на трговското работење е од клучно значење за малите и средните претпријатија кои зависат од прекуграничната трговија за да опстанат и да откријат нови можности за раст на странските пазари.

„Финансирањето на трговското работење е клучен сегмент во деловната стратегија на нашата банка, а Глобалната програма за финансирање на трговското работење е природен избор за партнерство,“ рече Глигор Бишев, Генерален директор и Претседател на Одборот на директори на Стопанска банка. „Како емисиона банка во рамките на оваа програма, Стопанска банка ќе даде придонес кон економскиот раст на Република Македонија со тоа што ќе го одржува учеството на малите претпријатија во меѓнародната трговија.“

Џорџина Бејкер, Директор на ИФЦ за Глобална трговија и решенија за синџирите на набавки, рече „Пристапот до кредити се намалува, но ИФЦ брзо реагира така што ги распоредува своите ресурси за да овозможи постојан тек на глобалната трговија. Како емисиона банка во Глобалната програма, Стопанска банка ќе ги унапреди можностите за финансирање на трговското работење во Република Македонија, помагајќи им на фирмите да пристапат кон нови пазари и да создаваат работни места.”

Од започнувањето на оваа наградувана програма на ИФЦ во 2005 г., издадени се преку 12.000 гаранции во вкупен износ од 17 милијарди УСД за трговски обврски на растечките пазари. Најзначајно е тоа што во фискалната 2011 г., 53% од вкупниот обем на програмата беше намемнет за поддршка на трговското работење во најсиромашните земји во светот, а 79 % од овие средства завршија кај мали и средни претпријатија. Програмата опфаќа повеќе од 200 партнерски банки во преку 90 земји со растечки пазари.

ИФЦ е присутна во Република Македонија од 1993 година и нејзиното портфолио опфаќа 104 милиони УСД. ИФЦ ги насочува своите инвестиции кон зголемување на пристапот до финасиски средства така што го поддржува развојот на локални финансиски институции. Советодавните услуги на ИФЦ имаат за цел да го подобрат работењето на трговските друштва во приватниот сектор и да го привлечат учеството на приватниот сектор во инфраструктурни проекти.

За ИФЦ
ИФЦ, членка на групацијата Светска банка, е најголемата институција за глобален развој што е насочена исклучиво кон приватниот сектор. Ние им помагаме на земјите во развој да постигнат одржлив развој преку финансирање инвестиции, обезбедување советодавни услуги на компаниите и владите преку мобилизирање капитал на меѓународните финансики пазари. Во фискалната 2011 година, среде економската несигурност што владееше во целиот свет, им помогнавме на нашите клиенти да создадат работни места, подобро да работат чувајќи ја животната средина, и да дадат придонес во своите локални заедници — притоа достигнувајќи највисок износ на инвестиции од речиси 19 милијарди американски долари. За повеќе информации, посете ја интернет-страницата http://www.ifc.org.

За да дознаете повеќе за Стопанска банка АД - Скопје, членка на групацијата НБГ, посетете ја интернет-страницата http://www.stb.com.mk.

Останете во контакт со ИФЦ:
www.facebook.com/IFCwbg
www.twitter.com/IFC_org
www.youtube.com/IFCvideocasts
www.ifc.org/SocialMediaIndex

Соопштение за СБ и IFC

Thu, 17 May 2012 14:47:00 +02:00

17.05.2012

IFC, Stopanska Banka AD – Skopje Partner to Expand Trade Finance for SMEs

In Belgrade:
Slobodan Brkic
Phone: +381 11 3023 750
E-mail: SBrkic@ifc.org

Skopje, Macedonia, May, 2012—IFC, a member of the World Bank Group, and Stopanska Banka AD – Skopje, member of NBG Group have joined forces to expand trade finance in Macedonia, a partnership that will help small and medium enterprises create jobs and move into new markets.

Stopanska Banka AD - Skopje member of NBG Group has signed on as an issuing bank in IFC’s Global Trade Finance Program (GTFP), which supports trade in emerging markets by providing partial or full guarantees for individual trade transactions backed by IFC’s triple - A rating.

Stopanska Banka AD - Skopje member of NBG Group provides financing to support the exports and imports of its corporate and SME clients. Access to trade finance is essential for SMEs that depend on cross-border trade to remain viable and seek new opportunities for growth in overseas markets.

“Trade finance is a key segment in our corporate banking strategy, and the Global Trade Finance Program is a natural choice for a partnership,” said Mr. Gligor Bishev, Chief Executive Officer, Chairman of the Board of Directors of Stopanska Banka AD – Skopje, member of NBG Group “As an issuing bank under this program, Stopanska Banka will contribute to economic growth in the country by sustaining the involvement of smaller companies in international trade.”

Georgina Baker, IFC Director of Global Trade and Supply Chain Solutions, said: “As access to credit tightens, IFC is quickly responding by deploying its resources to enable continued flows of global trade. As a GTFP issuing bank, Stopanska Banka AD – Skopje, member of NBG Group, will expand trade finance in Macedonia, helping businesses reach new markets and create jobs.”

Since its inception in 2005, IFC’s award-winning "GTFP has issued more than 12,000 guarantees totaling $17 billion to banks on trade-related payment obligations of its financial institution clients in emerging markets. Most significantly, in fiscal year 2011, 53 percent of the program’s total volume was to support trade in the world’s poorest countries, and 79 percent went to SMEs. The program includes more than 200 partner banks in over 90 emerging-market countries.

Macedonia became a shareholder and member of IFC in 1993. IFC’s portfolio in the country currently stands at $104 million. IFC is focusing its investments on increasing access to finance by supporting the development of local financial institutions. IFC Advisory Services aim to improve the performance of private sector companies and attract private sector participation in infrastructure projects.

About IFC
IFC, a member of the World Bank Group, is the largest global development institution focused exclusively on the private sector. We help developing countries achieve sustainable growth by financing investment, providing advisory services to businesses and governments, and mobilizing capital in the international financial markets. In fiscal 2011, amid economic uncertainty across the globe, we helped our clients create jobs, strengthen environmental performance, and contribute to their local communities—all while driving our investments to an all-time high of nearly $19 billion. For more information, visit www.ifc.org.

To learn more about Stopanska Banka AD - Skopje, visit www.stb.com.mk

Stay Connected
www.facebook.com/IFCwbg
www.twitter.com/IFC_org
www.youtube.com/IFCvideocasts
www.ifc.org/SocialMediaIndex

Трето извлекување од и-банк наградна игра

Wed, 16 May 2012 10:30:00 +02:00

16.05.2012

ЈИЕ универзитет Job Fair

Tue, 15 May 2012 11:33:00 +02:00

10.05.2012

Стопанска банка учесник на Саемот за кариера на Универзитетот Југоисточна Европа во Тетово

Стопанска банка АД – Скопје, како интегрален дел од македонското стопанство повеќе од 67 години е горда што зеде учество на Саемот за кариера на Универзитетот Југоисточна Европа и повторно беше заедно со идните генерации кои во годините што доаѓаат ќе ја носат одговорноста за економскиот раст, промоцијата на државата и интеграцијата во глобалните движења.

“Најголемата банка во Македонија ја разбира потребата дека по академската надградба на секој млад и амбициозен човек му е потребно е практично искуство, реално спознавање на бизнис практиките и правилата кои владеат во денешниот свет и од тој аспект, како и секоја година Стопанска банка АД – Скопје е подготвена да понуди реализирање на студентска пракса во една од нашите филијали или во централата и да биде ментор во зачетокот на професионалната кариера.“ - Изјави г. Фатмир Идризи, Директор за големи клиенти, Стопанска банка АД - Скопје кој имаше чест да го отвори саемот во име на бизнис заедницата на Македонија.

Стопанска банка АД – Скопје од своето основање во далечната 1944 година па досега останува лидер на македонскиот пазар – лидер во воведување на напредни и софистицирани банкарски производи и услуги, лидер во корпоративно општествено однесување и лидер според финансиските резултати. Со актива поголема од 1.1 милјарда евра, со над 40% учество на пазарот на производи за население и соработка со секоја втора компанија во Македонија, Стопанска банка АД – Скопје олицетворена во со своите вработени продолжува да освојува нови генерации клиенти, нови генерации на вработени и нови успеси.

Сите заинтересирани студенти за реализација на студентска пракса можат да испратат CV на human.resources@stb.com.mk со назнака „за студентска пракса“.

Стопанска банка АД - Скопје

На ваша страна

Награда од Deutsche Bank 2012

Fri, 11 May 2012 11:36:00 +02:00

10.05.2012

Награда од Deutsche Bank

Традицијата и искуството на Стопанска банка во реализација на меѓународни плаќања повторно се наградени со признанието од Deutsche Bank AG Straight – Through Processing (STP) Excellence Award. Наградата се доделува исклучиво на банки кои покажуваат максимална прецизност и точност во процесирањето на платните трансакции во странство за клиентите на Банката и истата е доказ дека Банката применува современи, европски стандарди во соработката со клиентите и останува лидер во банкарското работење во Македонија.

Стопанска банка АД - Скопје

На ваша страна

Соопштение за 13та конференција на Берза

Tue, 08 May 2012 12:09:00 +02:00

07.05.2012

Стопанска банка АД - Скопје спонзор на 13та годишна конференција на Македонска берза

На 04.05.2012 (петок), Стопанска банка АД - Скопје како еден од спонзорите на 13та годишна конференција на Македонска берза зема активно учество на конференцијата. Имено, Г-дин Глигор Бишев, Главен Извршен Директор и Претседател на УО на Стопанска банка учествуваше во првиот дел од конференцијата, односно на панел дискусија на тема „Глобалните и локалните макроекономски состојби и нивна рефлексија на пазарите на капитал“. На конференцијата присутни беа и високи владини претставници.

Јавен повик за 29та седница на Собрание

Thu, 03 May 2012 09:47:00 +02:00

ЈАВЕН ПОВИК

за учество на 29-та седница на Собранието на акционерите на Стопанска банка АД – Скопје

Врз основа на член 27 од Статутот на Стопанска банка АД – Скопје (С.О. Бр. 221/20.12.2011 година, пречистен текст), Надзорниот одбор на Стопанска банка АД – Скопје, на седницата одржана на 27.04.2012 година, донесе Одлука за свикување на 29-та седница на Собранието на акционерите на Стопанска банка АД – Скопје (Н.О. бр. 2138 / 27.04.2012 година).

Седницата на Собранието ќе се одржи на 25.05.2012 година (петок), со почеток во 12:00 часот во седиштето на Стопанска банка АД – Скопје, Централа, на ул: “11 Октомври” бр. 7, 1000 Скопје (влез во Градскиот Трговски Центар).

За работа на 29-тата седница на Собранието на акционерите, Надзорниот одбор на СБ го предлага следниот:

Д Н Е В Е Н Р Е Д:

1. Избор на Претседавач, нотар и бројач на гласови;

2. Разгледување на Записникот од 28-та седница на Собранието на акционери на Стопанска банка АД – Скопје;

3. Донесување на Одлука за измена на Статутот на Стопанска Банка АД – Скопје;

4. Утврдување на пречистен текст на Статутот на Стопанска Банка АД – Скопје;

5. Донесување на Одлука за избор на членови на Одборот за ревизија на Стопанска банка АД – Скопје;

6. Донесување на Одлука за усвојување на Годишната сметка и Финансиските извештаи на Стопанска банка АД – Скопје за 2011 година одобрени од Надзорниот одбор;

7. Разгледување и усвојување на Ревидираните финансиски извештаи на Стопанска банка АД – Скопје за 2011 година со писмено мислење по истите, изготвено од Надзорниот одбор;

8. Разгледување и усвојување на Годишниот извештај за работењето на Стопанска банка АД – Скопје во 2011 година со писмено мислење по истиот, изготвено од Надзорниот одбор;

9. Донесување на Одлука за распоредување на добивката согласно Годишната сметка и Финансисикте извештаи на Стопанска банка АД – Скопје за 2011 година, предложена од Надзорниот одбор;

10. Донесување на Одлука за начинот на пресметување и исплата на дивиденда на имателите на приоритетни акции на Стопанска банка АД – Скопје за 2011 година;

11. Донесување на Деловна политика и Развојниот план на Стопанска банка АД – Скопје 2012 – 2014 година;

12. Разгледување и усвојување на Годишниот извештај за работењето на Надзорниот одбор на Стопанска банка АД – Скопје за 2011 година;

13. Разгледување на Годишниот извештај на Одборот за ревизија на Стопанска банка АД – Скопје за 2011 година;

14. Разгледување на Годишниот извештај за работењето на Секторот за внатрешна ревизија за 2011 година, со писмено мислење по истиот, изготвено од Надзорниот одбор;

15. Донесување на Одлука за усвојување на Листа на нето должници на Стопанска банка АД – Скопје, одобрена од Надзорниот одбор;

16. Годишно ревидирање на Кодексот за корпоративно управување на Стопанска банка АД – Скопје.

Се повикуваат акционерите на Стопанска банка АД – Скопје да го пријават своето учество на седницата на Собранието со доставување на: писмено овластување издадено од надлежен орган на акционерот (за акционери правни лица) или лично потпишана пријава (за акционери физички лица), најмалку 3 (три) дена пред одржувањето на седницата, а најдоцна во рокот предвиден со Законот за трговски друштва, на адреса: ул: “11 Октомври” бр. 7, 1000 Скопје, со назнака: за Кабинет на Претседател на Управен одбор, или по електронски пат на е-маил: sobranie@stb.com.mk со доставување на овластувањето или изјавата во скенирана форма.

Акционерите можат да овластат полномошник, на начин и под услови утврдени со закон на седницата на Собранието со давање на писмено полномошно, за што се должни веднаш да ја известат СБ со писмено известување доставено на адреса: ул: “11 Октомври” бр. 7, 1000 Скопје, со назнака: за Кабинет на Претседател на Управен одбор или по електронски пат на е-маил: sobranie@stb.com.mk со доставување на полномошното во скенирана форма.

Акционерите кои поединечно или заедно поседуваат најмалку 5% од вкупниот број на акции со право на глас можат во рок од 8 (осум) дена од денот на објавување на јавниот повик за свикување на Собранието, односно најдоцна до 10.05.2012, да предложат дополнување на предложениот дневен ред со барање за вклучување нови точки или одлуки по секоја од точките кои се вклучени или ќе бидат вклучени во дневниот ред ако истовремено приложат и образложение за предложената точка за дополнување на дневниот ред или ако предложат одлука по предложената точка. Предлагањето точки/одлуки по дневниот ред се врши со писмено известување доставено на адреса: ул: “11 Октомври” бр. 7, 1000 Скопје, со назнака: за Кабинет на Претседател на Управен одбор или по електронски пат во скенирана форма на е-маил: sobranie@stb.com.mk

Предлогот се доставува во писмена/скенирана форма во оригинал, со пополнето целосно име и презиме и своерачен потпис на акционер(и) физичко лице, односно назив, седиште, печат, целосно име и презиме и своерачен потпис на законскиот застапник на акционер(и) правно лице. Заедно со барањето акционерот задолжително треба да приложи и соодветни документи за идентификација, и тоа:

1. За акционер физичко лице се приложува: - Извод од Централниот депозитар за хартии од вредност во кој што е наведен бројот на акциите, во оригинал, не постар од три дена - Копија од лична карта или пасош
2. За акционер правно лице се приложува: - Извод од Централниот депозитар за хартии од вредност во кој што е наведен бројот на акциите, во оригинал, не постар од три дена - Последна тековна состојба од Централнниот регистар во оригинал не постара од седум дена - Копија од лична карта или пасош на законскиот застапник

Акционерите имаат право да поставуваат прашања по точките од дневниот ред. Правото да се поставуваат прашања од акционерите и обврската на друштвото да одговори на поставените прашања може да се ограничи само поради одржувањето на ред во заседавањето и работата на собранието, или преземање активности за зачувувањето на доверливоста во работењето и деловните интереси на друштвото. Одговорите на поставените прашања на седница на собранието на друштвото ќе бидат објавени на интернет страната на банката: www.stb.com.mk во форма на прашање и одговор.

Прашањата се доставуваат во писмена форма во оригинал на адреса ул: “11 Октомври” бр. 7, 1000 Скопје, со назнака: за Кабинет на Претседател на Управен одбор или по електронски пат во скенирана форма на е-маил: sobranie@stb.com.mk, со пополнето целосно име и презиме и своерачен потпис на акционер(и) физичко лице, односно назив, седиште, печат, целосно име и презиме и своерачен потпис на законскиот застапник на акционер(и) правно лице. Заедно со прашањето акционерот задолжително треба да приложи и соодветни документи за идентификација, и тоа:

Материјалите по предлог - дневниот ред и останати информации согласно закон, ќе бидат достапни на увид на акционерите во Централата на Стопанска банка АД – Скопје (3 кат, канцеларија бр. 306) секој работен ден од 12:00 до 15:00 часот и на интернет страната на банката: www.stb.com.mk, од денот на објавувањето на овој Јавен повик.

Интервју Глигор Бишев - Утрински

Mon, 30 Apr 2012 10:25:00 +02:00

28.04.2012

Интервју Глигор Бишев, Претседател на Управниот одбор на Стопанска банка АД - Скопје

Линк до интервју

Соопштение за 1ви Мај_2012

Fri, 27 Apr 2012 10:44:00 +02:00

27.04.2012

Соопштение за неработен ден - 01.05.2012 (вторник)

Почитувани клиенти,
По повод државниот празник 1ви Мај – Ден на трудот, филијалите на Стопанска банка АД – Скопје нема да работат на 01.05.2012 (вторник).
На располагање ги имате i-bank услугите достапни преку телефон, e-banking и банкоматите на СБ, како и партнерите од трговската мрежа кои ги прифаќаат картичките од Стопанска банка.
Вработените и менаџментот на Банката ви го честитаат празникот!

Соопштение за денови на кариера

Fri, 27 Apr 2012 10:32:00 +02:00

25.04.2012

Стопанска банка АД - Скопје дел од Денови на кариера 2012 на Економскиот факултет - Скопје

Стопанска банка АД - Скопје учествуваше на саемскиот дел од настанот Денови на кариера 2012год. што се одржа на 20 - 21.04.2012 на Економскиот факултет при Универзитетот „Св. Кирил и Методиј" - Скопје во организација на студенстката организација AIESEC.

Стопанска банка како партнер на овој настан со свој штанд беше директно присутна пред студентите, идните и потенцијални вработени во банкарскиот сектор, а и самите студенти имаа можност да се претстават себеси директно пред претставниците од Банката.

Стопанска банка АД - Скопје

На ваша страна

Прво извлекување од I-bank наградната игра

Thu, 26 Apr 2012 10:48:00 +02:00

26.04.2012

Соопштение за Недела на хуманост

Tue, 24 Apr 2012 12:43:00 +02:00

24.04.2012г.

Вработените на Стопанска банка АД - Скопје помогнаа во реализацијата на „Недела на хуманитарноста“ организирана од Црвен крст на град Скопје

Вработените на Стопанска банка АД - Скопје зедоа активно учество во хуманитарната акција што Црвен крст на град Скопје ја реализира позната како „Недела на хуманитарноста“ од 23 до 29ти април. Имено денес 24.04.2012 (вторник), во просториите на Централата на Банката, вработените помогнаа во успешната реализација на проектот преку откуп на вредносни ваучери.

Акцијата се реализира под мотото „Вашиот прилог – значајна помош“ и има за цел да помогне на семејства и поединци кои живеат под одреден социјален ризик во рурални средини, стари изнемоштени лица и лица со посебни потреби. Помошта ќе биде во форма на набавка на пакети храна и хигиенски средства.

Стопанска банка АД - Скопје

На ваша страна

Соопштение за корисници на услуги од банки и штедилници_18.04.2012

Wed, 18 Apr 2012 11:43:00 +02:00

17.04.2012г.

-ЗДРУЖЕНИЕ НА БАНКАРСТВО-

СООПШТЕНИЕ ЗА КОРИСНИЦИ НА УСЛУГИ ОД БАНКИ И ШТЕДИЛНИЦИ

Почитувани клиенти,

Во име на Здружението на банкарство при Стопанската Комора на Македонија, Ве информираме, дека согласно важечката законска регулатива во Република Македонија, сите банки/штедилници при воспоствување на деловен однос или вршење на трансакција спроведуваат идентификација, потврдување и ажурирање на идентитетот на клиентот.
Овој процес опфаќа идентификација и потврдување на идентитетот на клиентот физичко или правно лице преку соодветни валидни документи за нивна идентификација (важечка лична карта или пасош за физички лица и тековна состојба не постара од 6 месеци за правни лица) и пополнување Апликација за идентификација/ажурирање на клиент, која во идентична форма се употребува во секоја банка/штедилница.
Податоците добиени од овој процес мора да се ажурираат на редовна основа, најмалку секои 2 години.
Важечката законска регулатива во Република Македонија предвидува обврска сите банки и штедилници да ја ажурираат базата на своите постојни клиенти со валидни податоци за нивна лична идентификација најдоцна до мај 2012 година. Бидејќи потврдување и ажурирање на податоците за своите клиенти на овој начин го забавува редовното работење на шалтерите во банките и штедилниците и е обемна работа, која одзема време, а со цел исполнување на горенаведените законски обврски, Здружението на банкарство при Стопанската Комора на Македонија, ги потсетува сите физички и правни лица во РМ кои имаат отворено сметки во банките и штедилниците, да пристапат кон истите со цел ажурирање на нивните податоци.
Во насока на наведеното, ги известуваме сите наши клиенти, физички и правни лица, дека банките и штедилниците ќе ги реализираат услугите за своите клиенти по пополнување на соодветната апликација за идентификација/ажурирање на клиентите и приложување на важечка документација за идентификација.
До спроведување на соодветната идентификацијата, работењето со сметките не ќе може непречено да се одвива.
Банките и штедилниците ги бараат Вашите лични податоци и податоците за вашата трансакција, единствено со цел да ги почитуваат барањата на важечката законска регулатива, без можност и дискреционо право да постапат поинаку.
Воедно, сакаме да Ве известиме дека ажурирањето на овие податоци е и во Ваш интерес, бидејки банките и штедилниците ќе бидат во можност да донесат издржана одлука базирана на повеќе валидни информации и по однос на сите Ваши барања, ќе можат навремено и на точни адресни податоци да ги испраќаат месечните извештаи, соопштенијата и дополнителните материјали со кои се олеснува соработката, меѓу клиентите и нивната банка/штедилница.

Со почит,
ЗДРУЖЕНИЕ НА БАНКАРСТВО ПРИ СТОПАНСКА КОМОРА НА МАКЕДОНИЈА
www.mchamber.mk

Соопштение за неработни денови_Велигден_2012

Mon, 09 Apr 2012 16:10:00 +02:00

09.04.2012

Соопштение за неработни денови за време на Велигденските празници

Почитувани клиенти,

По повод претстојните Велигденски празници, филијалите на Стопанска банка АД – Скопје нема да работат на 13.04.2012(петок), 14.04.2012(сабота) и 16.04.2012(понеделник).
На располагање ги имате i-bank услугите достапни преку телефон, e-banking и банкоматите на СБ, како и партнерите од трговската мрежа кои ги прифаќаат картичките од Стопанска банка.
Вработените и менаџментот на Банката ви го честитаат празникот!

Стопанска банка АД - Скопје

На ваша страна

Соопштение за станбен кредит за пролетна понуда

Tue, 27 Mar 2012 16:40:00 +02:00

23.03.2012

Стопанска банка АД - Скопје со пролетна понуда за Станбен кредит!

Стопанска банка како Банка која стои зад повеќе од 40% станбени кредити во Македонија, повторно излезе со понуда на атрактивни услови за сите клиенти заинтересирани за купување на сопствен дом.
Со кампањата која трае во периодот од 20.03.2012 до 31.05.2012, Банката овозможи преференцијални услови за клиентите, со кои тие ќе бидат на само чекот до својот нов дома – поточно 50% намалување на административните (со проценета вредност од 200 евра по клиент) и нотарските трошоци (со просечна вредност од 125 евра по клиент).
Станбениот кредит на Стопанска банка е со гарантирана каматна стапка од 6,25% годишно за првите три години (за клиенти со плата во СБ), а по истекот на периодот со гарантирана каматна стапка, се применува променливата каматна стапка која во моментот изнесува 7,43% годишно (за клиенти со плата во СБ). Каматната стапка на вкупните трошоци изнесува 7.49% годишно.
Стопанска банка има потпишано и договори за соработка со повеќе градежни компании, па оттука, станбениот кредит е достапен и за станови во изградба.
Поволната камата и ниските месечни ануитети како резултат на долгиот период на отплата до 30 години, го прават станбениот кредит исклучително поволен за сите оние кои сакаат да дојдат до нов дом.
Искористете ја промотивната понуда која ќе трае до 31 мај и остварете го сонот за свој дом!
За дополнителни информации обратете се во филијалите на Банката, на www.stb.com.mk или на 24часа Контакт центарот 02/3100-109.

Стопанска банка АД - Скопје

На ваша страна

Саем за мебел 2012

Tue, 27 Mar 2012 13:00:00 +02:00

27.03.2012

Купувајте на рати без камата на Саемот за мебел 2012

Стопанска банка АД - Скопје и оваа година е присутна на најпосетуваната саемска манифестација Саем за мебел. Саемот е отворен за посетители од 27.03 - 01.04.2012. Посетителите имаат можност да посетат еден од штандовите на нашите партнери и да купуваат за време на саемот со саемски попуст на рати БЕЗ КАМАТА со кредитните картички издадени од Стопанска банка.

Покрај тоа, на Саемот имате можност да поднесете и барање за потрошувачки кредит или кредитна картичка на штандот на Стопанска банка АД - Скопје.

Искористете ги саемските попусти и купете го тоа што ви е потребно за вашиот дом по најповолни услови.

Стопанска банка АД - Скопје

На ваша страна

Соопштение за донација на Пулмологија

Tue, 27 Mar 2012 10:32:00 +02:00

20.03.2012г.

Донација на Клиниката за Пулмологија и Алергологија, Скопје

Стопанска банка АД – Скопје како долгогодишен финансиски партнер на Клиниката за Пулмологија секогаш наоѓа начини за продлабочување на соработката, но и начини за помагање на работата што Клиниката ја извршува. Овој пат, во рамки на својата корпоративна општествена одговорност, Банката донира опрема за Клиниката за Пулмологија и Алергологија која ќе им помогне во секојдневното работење и ќе им овозможи подобра грижа за пациентите.
Опремата предмет на донација, содржи помеѓу другото и медицински торакоскоп, пред се дијагностички апарат кој го користат специјалисти пулмолози за точна дијагностика на пулмолошки заболувања, но се користи и за полесни интервенции и зафати. Клиниката оспособи посебна просторија за новата опрема која веќе од оваа недела ќе биде во примена за првпат за пациентите во Клиниката, но и воопшто во Македонија.
„Плевралните заболувања односно плевралниот излив (вода во белите дробови), поради својата специфичност налагаат рана и точна детекција и дијагностика. Медицинскиот торакоскоп е најсовремена, безбедна технологија што овозможува специјалистите пулмолози да ги третираат побрзо, поточно и подобро своите пациенти. Од тој аспект, горди сме што Клиниката доби ваква донација од Стопанска банка и ќе може на пациентите да им понуди повисоко ниво на медицинска услуга“ изјави Др. Бисерка Јовковска-Ќаева, директор на Клиниката за Пулмологија и Алергологија.
„Банката има свои пријатели и соработници во сите сфери на работењето и ни претставува особена чест кога можеме на реномирани медицински установи како што е Клиниката за Пулмологија да им излеземе во пресрет и да им овозможиме уникатна услуга што е примарно од корист за пациентите и секако докторите кои се вклучени во оваа дејност.“ изјави Глигор Бишев, Претседател на Управниот одбор на Стопанска банка АД – Скопје.
Корпоративната општествена одговорност ја одразува стратегијата на Банката да биде во континуитет поврзана со заедницата во која работи. Покрај тоа, редовната примена на овие принципи на работа ги поттикнуваат нашите партнери и соработници да се приклучат кон принципите и заедно многу повеќе и многу позначително да му помогнеме на општеството.

Стопанска банка АД – Скопје
На ваша страна

Нова услуга - девизно плаќање

Thu, 22 Mar 2012 14:42:00 +01:00

16.03.2012

Нова услуга во e-banking сервисот - девизни плаќања за правни и физички лица

Стопанска банка АД - Скопје следејќи ги потребите на клиентите и барањата за нови услуги во сервисот за електронско банкарство воведе нова можност за ДЕВИЗНИ ПЛАЌАЊА во странство за физички и правни лица.

Солгасно процедурата, сите клиенти кои сакаат да им биде овозможено девизното плаќање, потребно е да пополнат нови договори за користење на услугата e-banking и истите да ги достават во најблиската филијала на Банката. Потребната документација можете да ја најдете на следниот линк.

Чекорите за реализација на девизни плаќања се детално објаснети во e-banking сервисот додека за дополнителни информации на располагање го имате 24 часа контакт центарот (02) 3100 109 или вработените во една од филијалите на Банката.

Новата услуга девизни плаќања е резултат на стратешката определба на Банката постојано да инвестира време, ресурси и средства во развојот на алтернативните канали со кои клиентите добиваат можност за 24 часовна комуникација со Банката како и максимална слобода да избираат кога, каде и како ќе ги користат банкарските услуги (преку интернет, телефон или банкомат). Тимот на Банката продолжува и понатаму со развојот и подобрувањето на услугите достапни преку e-banking сервисот, но и останатите i-bank алтернативни канали.

Упатство за девизни налози за плаќање во странство

Стопанска банка АД - Скопје

На ваша страна

Наградна игра Visa кредитни картички

Mon, 12 Mar 2012 16:29:00 +01:00

09.03.2012

НОВО: Наградна игра за Visa кредитни картички „За купување на рати, Visa со патување ќе ви врати“

Уживајте во користењето на вашите Visa кредитни картички и купувајте на рати во се поголемата трговска мрежа. Само со овој мал услов станувате потенцијален добитник на една од вредните награди:

Патување за 2 лица во Дубаи
2 х Викенд во Аурора за 2 лица

Правилата за наградната игра можете да ги најдете тука.

Листа на трговците кај кои е овозможено купување на рати БЕЗ КАМАТА со кредитните картички можете да најдете тука.

Награда од Стопанска комора

Fri, 09 Mar 2012 15:05:00 +01:00

20.02.2012

Награда од Стопанска комора на Македонија за најголем донатор во 2011 година

Стопанска комора на Македонија прослави 90 години од нејзиното постоење на гала свеченост во присуство на 1200 видни гости. На свечениот чин, покрај членките на најстарата, најбројната и најголемата бизнис-заедница во земјава, присуствуваа претставници на државните органи, институции, дипломатскиот кор, претставници на меѓународни институции, здруженија и партнери, гости, пријатели и поддржувачи на Стопанската комора на Македонија и на коморското работење од земјата и од странство.

По повод големиот јубилеј и овојпат беше доделена Наградата на Стопанската комора на Македонија и во категоријата за најголема донаторска активност. Оваа година добитник на наградата е Стопанска банка АД - Скопје. Наградата ја прими Претседателот на Управниот одбор на Банката г. Глигор Бишев. Наградата е уште едно признание дека Банката е општествено одговорна компанија која се залага да биде повеќе инволвирана во проектите и активностите на заедницата и општеството во кое функционира.

Како долгогодишен и активен член во Стопанската комора, Стопанска банка АД - Скопје го честита значајниот јубилеј и се обврзува на континуирана и плодна соработка која ќе биде во интерес на целата бизнис заедница.

Стопанска банка АД - Скопје

На ваша страна

Саем за градежништво

Fri, 09 Mar 2012 15:04:00 +01:00

06.03.2012

Саем за градежништво 2012

Стопанска банка АД - Скопје зеде активно учество на Саемот за градежништво и RealEx Саемот за недвижности кој се одржува оваа година од 06.-10.03.2012 на Скопскиот саем. Саемот има за цел да ја претстави понудата на градежните компании на пазарот за недвижнини како и капацитетите достапни за населението и правните лица.

Согласно изнесеното на Конференцијата во организација на RealEx во 2011г. во Скопје во 2011 година пласирани биле 1200 готови станови а најголем развој во овој поглед има во населбите Аеродром и Кисела Вода. Побарувачката за станбени објекти е стабилна на 8.500 трансакции годишно и просечната цена по квадрат изнесува 1041 евра. Стопанска банка АД - Скопје на саемот ги претставува своите производи - станбени и хипотекарни кредити со кои доминира на македонскиот пазар. Пазарното учество од 40% докажува дека Банката развива производи кои се во склад со потребите на клиентите. Секако, во фокусот на интересот останува и понудата од проектот на Владата на РМ „Купи куќа, купи стан“ за кој Стопанска банка дополнително нуди и 50% попуст на нотарските трошоци со што на клиентите им го олеснува првиот чекор до сопствен дом.

Ги повикуваме заинтересираните клиенти, градежни компании и агенции за недвижнини да го посетат штандот на Стопанска банка каде ќе можат да добијат детални информации, пресметки и примери за кредитот што ги интересира како и да остварат соработка со која заедно ќе се промовираат имотите за продажба како и кредитите од Банката.

Стопанска банка АД - Скопје

На ваша страна

Струмички карневал 2012

Fri, 09 Mar 2012 15:04:00 +01:00

27.02.2012

Стопанска банка традиционално присутна на Струмичкиот карневал

На најновото издание на Струмичкиот карневал продефилираа над 2000 групни и индивидуални маски додека жителите на Струмица и бројните гости во знак на поддршка на карневалот маскирани го следеа свеченото дефиле. За збогатување на настанот, Стопанска банка АД - Скопје изработи и подели неколку илјади хартиени маски а за најмладите овозможи и уникатен face paint кој на огромно задоволство успеа да ги претвори децата во пеперутки, кловнови и супер херои.

Традиционално Стопанска банка АД - Скопје е покровител на Струмичкиот карневал со што го поттикнува континуитетот на оваа значајна културна манифестација која Струмица и Македонија ги прославува во светот. Заедно создаваме вредности кои денес значат богата културна програма а во иднина ќе значат богато културно наследство.

Стопанска банка АД - Скопје

На ваша страна

Милионер на 20години

Fri, 09 Mar 2012 15:04:00 +01:00

05.03.2012

Стана милионер на 20 години со картичката од Стопанска банка

На 15.02.2012 година беа извлечени добитниците на наградната игра на Стопанска банка АД- Скопје - „Со картичка до милион“. Главната награда од 1 милион денари ја доби дваесетгодишниот Кирил од Скопје.

„Пресреќен сум и изненаден што токму јас сум добитникот на главната награда од наградната игра на Стопанска банка. Во декември излегов со намера да ги купам патиките што одамна ми се допаѓаа и при плаќањето, за прв пат ја искористив мојата Виса дебитна картичка. Во тој момент, не ни помислив дека оваа моја прва трансакција во трговска мрежа може да ми обезбеди учество во наградната игра и толку голема добивка. Наградата доаѓа во право време за моето семејство затоа што токму во овој период со мајка ми се подготвувавме да аплицираме за станбен кредит од Стопанска банка, па сега ќе настојувам парите да ги искористам дел за новиот дом, но дел секако и за некое интересно патување” – изјави Кирил, среќниот нов милионер.

Покрај главната награда, беа извлечени уште 42 награди меѓу кои двајца добитници на награди од 100 000 денари, пет добитници на 50 000 денари, 15 добитници на 10 000 денари и 20 добитници на парични награди во вредност од 5000 денари.

Наградната игра започна на 15.11.2011 и траеше до 15.02.2012, а учествуваа сите оние кои во текот на траењето на наградната игра направија трансакција поголема од 300 денари, користејќи ги кредитните и дебитните картички на Стопанска банка.

Стопанска банка им честита на среќните добитници и се заблагодарува на клиентите за укажаната доверба со ветување дека и понатаму ќе прави напори да ја награди нивната лојалност.

Стопанска банка АД – Скопје
На ваша страна

Najava Prilep Sv. Nikola

Fri, 09 Mar 2012 15:03:00 +01:00

16.12.2011

Повелете на големата прослава на Св. Никола во Прилеп

Почитувајќи ја традицијата на градот Прилеп за обележување на Св. Никола како патрон празник, честа да биде домаќин на овогодинешната прослава ја има Стопанска банка АД – Скопје која веќе со генерации е нераздвоен дел од економијата и дејствувањето на градот под Марковите кули.
Градоначалникот на град Прилеп и менаџментот на Стопанска банка АД – Скопје ги покануваат граѓаните на Прилеп и сите приврзаници на празникот Св. Никола од Македонија да ја збогатат традиционалната прослава на плоштадот Марко Цепенков на 19.12.2011 со почеток во 11 часот на која ќе биде послужена и празничната трпеза. Прославата ќе биде збогатена и со забавна програма за која ќе се погрижат Елена Петреска, Миле Кузмановски и КУД Мирче Ацев.
Покрај тоа, Банката ќе обезбеди и многу изненадувања за најмладите и за клиентите што тој ден ќе ги посетат филијалите на Банката и ќе го поздрават отворањето на нов и поголем простор за работењето на Банката. За време на празникот, Стопанска банка на граѓаните на Прилеп ќе им се претстави со филијала во нов и поголем простор од каде клиентите ќе имаат можност да добијат подобра и поквалитетна услуга.
Градот Прилеп и Стопанска банка АД – Скопје ви го честитаат празникот Св. Никола и ви посакуваат многу здравје, среќа и бериќет во новата 2012 година.

Стопанска банка АД – Скопје Градоначалник на Град Прилеп
На ваша страна Марјан Ристески

Диомидис интервју Утрински

Fri, 09 Mar 2012 15:03:00 +01:00

12.12.2011

Интервју со г. Диомидис Николетопулос, Заменик генерален директор и член на Управен одбор

Soopstenie za Prilep Sv.Nikola

Mon, 06 Feb 2012 10:42:00 +01:00

20.12.2011

Стопанска банка - кум на Св. Никола во Прилеп, 19.12.2011г.

На 19.12.2011 во градот под Марковите кули - Прилеп, Стопанска банка АД - Скопје го предаде своето кумство за Св. Никола од 2011 година за среќна и бериќетна година за сите во присуство на највисоките претставници на МПЦ, градоначалникот на град Прилеп и врвниот менаџмент на Банката и илјадници граѓани на Прилеп

Со богата празнична трпеза за сите, бројни изненадувања за најмладите и разновиден културно-музички дел беше прославен овој најголем празник за градот Прилеп.

Истовремено, Стопанска банка на самиот празник Св. Никола му подари на градот Прилеп нова филијала, поголема, модерна и попријатна за сите клиенти на Банката.

Стопанска банка АД - Скопје

На ваша страна

<ВИДЕО>

Soopstenie za neraboten den Vodici

Mon, 06 Feb 2012 10:40:00 +01:00

17.01.2012

Соопштение за неработен ден 19.01.2012г. (четврток)

Почитувани клиенти,

По повод верскиот празник Богојавление (Водици), филијалите на Стопанска банка АД – Скопје нема да работат на 19.01.2012г. (четврток).
На располагање ги имате i-bank услугите достапни преку телефон, e-banking и банкоматите на СБ, како и партнерите од трговската мрежа кои ги прифаќаат картичките од Стопанска банка.
Вработените и менаџментот на Банката ви го честитаат празникот!

Стопанска банка АД - Скопје

На ваша страна

Soopstenie za Kupi kuka kupi stan

Mon, 16 Jan 2012 17:13:00 +01:00

13.01.2012г.

ОТВОРЕНИ ДЕНОВИ ЗА ПРОЕКТОТ “КУПИ КУЌА, КУПИ СТАН”

Од 16.01.2012 (понеделник), Стопанска банка АД – Скопје за сите заинтересирани клиенти ќе организира Отворени денови во просториите на своите филијали за Проектот на Владата на Република Македонија „Купи куќа купи стан“.

На Отворените денови претставници на Банката детално ќе ги објаснуваат условите и критериумите за субвенционираните станбени кредити и ќе одговараат на вашите прашања поврзани со овој и другите станбени кредити достапни од Банката.

Купувањето на сопствен дом е долгорочна инвестиција што го дефинира животот на секое семејство и поединец. Процесот вклучува многу чекори и налага трпение додека се најде совршената локација, вистинските димензии, цена и начин на плаќање кои одговараат на семејниот буџет. Благодарение на богатото искуство и традиција во понудата на станбени кредити во моментов секој трет станбен кредит во Република Македонија е од Стопанска банка АД – Скопје. Затоа се надеваме дека заинтересираните клиенти ќе имаат голема корист од претставниците на Банката кои на Отворените денови ќе го пренесат нивното искуство и ќе обезбедат корисни совети за станбените кредити.

Одберете го терминот и локацијата што најдобро ви одговара и повелете на Отворените денови во организација на Стопанска банка АД - Скопје:

Стопанска банка АД – Скопје
На ваша страна

Soopstenie za Bozik

Wed, 04 Jan 2012 12:32:00 +01:00

04.01.2012

Соопштение за неработни денови за Божиќните празници

Почитувани клиенти,

По повод претстојните Божиќни празници, филијалите на Стопанска банка АД – Скопје нема да работат на 06.01.2012г. (петок) и 07.01.2012г. (сабота).
На располагање ги имате i-bank услугите достапни преку телефон, e-banking и банкоматите на СБ, како и партнерите од трговската мрежа кои ги прифаќаат картичките од Стопанска банка.
Вработените и менаџментот на Банката ви го честитаат празникот!

Стопанска банка АД - Скопје

На ваша страна

Kupi kuka kupi stan

Fri, 23 Dec 2011 16:58:00 +01:00

23.12.2011

Стопанска банка АД - Скопје го потпиша договорот за проектот на Владата на РМ „Купи куќа, купи стан“

На денешната прес конференција офицјално беа потпишани договорите за проектот „Купи куќа - купи стан“ помеѓу Министерството за финансии и 8 комерцијални банки меѓу кои и Стопанска банка АД - Скопје. Со овој договор од 2012 година субвенционираните станбени кредити стануваат достапни за сите граѓани на Р. Македонија кои ги исполнуваат условите наведени во проектот.

На прес конференцијата Стопанска банка АД - Скопје, претставена од Претседателот на УО г. Глигор Бишев, се обврза да остане и понатаму финансиски партнер на семејствата и компаниите во Македонија. Станбените кредити се еден од најстарите кредити кои Банката ги нуди и благодарение на експертизата и традицијата кај овој производ Банката стои зад секој втор станбен кредит во земјата. Секако, покрај субвенционираните станбени кредити Банката ќе понуди и комплементарни услуги и производи со кои клиентите полесно ќе управуваат со своите финансии, сметки и производи.

Клиентите ќе можат за субвенционираните кредити да поднесат барање од 25ти јануари 2012 година.

Стопанска банка АД - Скопје

На ваша страна

Soopstenie za koktel za tret kanal

Thu, 22 Dec 2011 12:43:00 +01:00

20.12.2011г.

Предновогодишно дружење со трговците партнери на Стопанска банка АД - Скопје

На 16.12.2011г. (петок), Стопанска банка АД - Скопје организираше свечена средба во бизнис центарот CityHall со своите трговци партнери од областа на градежништвото, недвижности, автомобилска индустрија, трговија со стоки за широка потрошувачка.

Овој пат, Стопанска банка ги награди своите најзаслужни партнери - трговци кои имаа најголем удел во продажбата на производите на Банката. Доделени беа награди во осум категории, од кои пет викенди за двајца во Спа центарот „Аурора“ - Берово и три таблет компјутери.

Во присуство на голем број гости и врвниот менаџмент на Банката во пријатна атмосфера беа прославени заедничките успеси во 2011година.

Стопанска банка АД - Скопје

На ваша страна

Toni intervju Dnevnik

Thu, 22 Dec 2011 12:42:00 +01:00

05.12.2011 Скопје

Интервју со Тони Стојановски, Заменик генерален директор и член на Управен одбор

Новинар: Мирче Јовановски, Дневник

Господине Стојановски, светската економска криза го наметна управувањето со ризици како врвен приоритет во работењето на банките. Како банкарскиот сектор кај нас и Стопанска банка се носат со овој предизвик?

- Светската економска криза наметна нова реалност во која јасно се препознава потребата за посериозен пристап на банките и регулаторите на полето на управувањето со ризиците. Веќе е постигнат и глобален консензус дека за да се обезбеди иднината на банки кои ќе бидат во функција на развојот на економиите, а не нивни дестабилизатори, мора да се подигне нивото на нивната капитализираност и ликвидност, да се воспостави организација и пристап кој ќе овозможи ризиците да бидат под контрола, како и да се зајакне транспарентноста во работењето на банките. Во таа смисла, Базелскиот Комитет за банкарска супервизија го донесе новиот реформски пакет на мерки, т.н. Базел 3. Стопанска банка континуирано ги следи и работи на примена на најдобрите меѓународни банкарски практики и стандарди. Во текот на изминатата деценија, Банката помина низ интензивен процес на реструктурирање кој овозможи постигнување на стапка на адекватност на капиталот од 18,7 проценти, наспроти законски дефинираниот минимум од 8 отсто, ниво на нефункционални пласмани од 7,1 отсто, наспроти 9,9 проценти колку што просечно изнесува кај банките во Република Македонија, цврсто и здраво корпоративно управување во кое поставеноста на функцијата за управување со ризиците ги следи најновите глобални трендови. Ова значи сигурност и стабилност на Банката, кои, се разбира, не се цел сами за себе, туку се основна претпоставка за високиот квалитет на банкарски производи и услуги кои ги користат нашите клиенти.

Од НБМ и од Владата предупредија дека новиот кризен бран ќе ги зафати и нашите фирми. Дали тоа почна да се случува и на колкав раст реално може да се надеваме?

-За жал, и покрај позитивните остварувања на домашната економија во првата половина на годината, новиот кризен бран, кој веќе ја зафати Европа, неминовно ќе влијае на реалниот сектор во Македонија преку намалената странска ефективна побарувачка за нашите извозни производи. Имено, официјалните статистики веќе ги покажуваат првите негативни ефекти преку намаленото индустриско производство и забавениот раст на корпоративните депозити на ниво на банкарски сектор. Во такви услови, банките се соочуваат со намалена инвестициона побарувачка на приватниот сектор што неминовно води кон намалена кредитна активност. Ваквите трендови се очекува да продолжат до крајот на годината, а во зависност од интензитетот на кризата во Европа, првите сигнали за повисок економски раст евентуално би можело да се очекуваат во втората половина на 2012.

Ако на фирмите не им оди добро, тоа ќе се одрази и врз вработените, од кои многумина се заглавени со кредити. Како ќе се однесуваат банките, дали ќе прибегнат кон наједноставното– присилна наплата?

-Искуствата од првиот бран на економската криза потврдуваат дека македонскиот банкарски сектор има капацитет да се справи со проблемите поврзани со намалената кредитна способност на своите клиенти без притоа да дојде до значајно зголемување на износот на нафункционални кредити и без преголема употреба на механизмите на присилна наплата. Официјалните статистики во овој домен укажуваат дека и покрај влошените состојби на пазарот на труд од почетокот на годината, во секторот население се забележува намалување на учеството на нефункционалните кредити во вкупните кредити. Тука, важно е да се спомене дека Стопанска банка АД, како банка со најголемо пазарно учество од 37,8 отсто во доменот на кредитирање на населението, дава и најголем придонес за поволните трендови во овој домен. Имено, износот на нефункционалните кредити во вкупното кредитно портфолио на население во Стопанска банка изнесува 5,5 проценти, што е значително пониско од просекот на банкарскиот сектор, кој на крајот на третиот квартал изнесуваше 7,9 проценти.

Како банките, за кои постојано се тврди дека се одлично капитализирани и со добра адекватност на капиталот, можат да му помогнат на стопанството? Дали е с` во добрите проекти, или пак има и други начини?

-Најпрво, треба да се истакне дека добрата капитализираност им овозможува на банките да бидат во позиција да ги апсорбираат шоковите кои доаѓаат како последица од кризата, без да емитираат дестабилизирачки движења спрема економијата во целина. Најлошата ситуација е кога банките заради сопствената нестабилност се причина за проблемите во реалниот сектор на економијата. Заради тоа, соодветно треба да се вреднува фактот што банките се дел од здравото ткиво на македонската економија и како такви се способни да ја исполнат својата основна цел: прибраните слободни парични средства од граѓаните и компаниите да ги пласираат во проекти кои ќе донесат раст и развој на економијата и нови работни места. Истовремено, во согласност со практиката и на Стопанска банка, сите наши корпоративни клиенти кои се соочуваат со тешкотии во нивното работење како последица од кризата, имаат можност да добијат реструктуирања на својот долг и други форми на финансиска поддршка, доколку заеднички констатираме дека тешкотиите се од времен карактер и дека компанијата ги прави сите чекори внатрешно да се реструктуира и да се прилагоди на новата реалност на пазарите на кои ги продава своите производи и услуги.

Пред да дојдете во Стопанска банка, во НБМ бевте одговорен за банкарската супервизија. Од тој аспект гледано, каква е вашата оценка за банкарскиот систем кај нас каде што доминираат три банки?

-Од монетарното осамостојување наваму, банкарскиот систем на Република Македонија помина низ повеќе значајни реформски зафати кои резултираа со негово целосно финансиско и оперативно реструктуирање, висока капитализираност и стабилна ликвидносна позиција и што е најважно, вратена е довербата од страна на нашите граѓани, која скоро и да не постоеше во текот на 90-тите години. Во овој момент штедните влогови на граѓаните кај банките изнесуваат близу 2,6 милијарди евра и се на историски највисоко ниво од 1992 година наваму. Тоа дава потенцијал за кредитирање на стопанството и населението врз основа на здрави банкарски критериуми.

Концентрацијата на финансискиот потенцијал кај првите три банки по големина сама по себе не претставува пречка за ефективноста на банките во вршењето на нивната основна функција во економијата, но секако дека растот и на други банки и нивното приклучување кон групата на т.н. големи банки е позитивно за јакнење на конкуренцијата на банкарскиот пазар.

Го променивме начинот на плаќање

Годинава ја завршуваме со едно значајно признание од Супербрандс за периодот 2011/2012. Секоја заслуга што една компанија ја добива е базирана на довербата што ја поседува кај своите клиенти, на задоволството од квалитетот на услугата, на иновативноста во работењето и воведувањето на прогресивни производи и услуги. Затоа, ова признание ни е обврска и понатаму нашите клиенти да ги третираме како наши супербрендови и да останеме на „ваша страна“. Оваа година особено е значајна за Банката затоа што прославуваме 3 јубилеи - пред 15 години беше издадена првата платежна картичка на македонскиот пазар, пред 10 години беше воведена и првата „Виса“ картичка, а пред 7 првата кредитна картичка. Со тоа значително го променивме начинот на плаќање и управување со сопствените средства, и придонесовме за модернизација на платниот промет во земјата. Паралелно на овие иновации се одвиваше и интензивно издавање на картички и инсталација на најголемата мрежа на банкомати и ПОС терминали, насекаде низ државата.